સરકારે PLI યોજના હેઠળ સરેરાશ 76 હજાર કરોડ રૂપિયાની મંજૂરી આપી
સેમીકંડક્ટરનું કામ તમામ ઈલેક્ટ્રોનિક ડિવાઈસને પાવર આપવાનુ હોય છે
પહેલા સમજો કે સેમીકંડક્ટર શું હોય છે?
મોદી સરકારે એવુ પણ કહ્યું છે કે તેનાથી ઘણી નોકરીઓનું સર્જન થશે. આ પગલું એક ગેમચેન્જર સાબિત થઇ શકે છે. કારણકે એક તો આ સેમીકંડક્ટર મામલે દેશને આત્મનિર્ભર બનાવી દેશે. તો બીજી તરફ રોજગારીની તકો પણ ઉભી થશે. ઘણાં સારા નવા સ્ટાર્ટઅપ પણ બનશે. જેને કારણે આગળ જતા દેશને અન્ય યુનીકોર્ન મળવાની આશા છે. સરળ ભાષામાં કહીએ તો સેમીકંડકટર અબજો પ્રોડક્ટ્સ માટે તેના દિલ જેવી છે. આ કંડક્ટર, નૉન કંડક્ટર અથવા ઈન્સુલેટર્સની વચ્ચેની કડી છે. જેમાં કરન્ટ દોડાવવાની ક્ષમતા મેટલ અને સેરામિક્સ જેવા ઈન્સુલેટર્સની તુલનામાં ઘણી વધુ હોય છે. સેમીકંડક્ટર ચિપ મુખ્ય રીતે સિલિકોનથી બનેલી હોય છે.
કેવીરીતે ઉભી થશે નોકરીઓ?
મોદી સરકારે કહ્યું છે કે સેમીકંડક્ટર મામલે ભારતને આત્મનિર્ભર બનાવવાથી નોકરીના લાખો અવસર ઉભા થશે. અંદાજ લગાવવામાં આવી રહ્યો છે કે સેમીકંડક્ટરને ડિઝાઈન કરવા માટે લગભગ 85,000 ટેલેન્ટેડ એન્જિનિયર્સની ફોજની જરૂર પડશે. તો મોદી સરકાર સેમીકંડક્ટર બનાવવા સાથે જોડાયેલી તમામ ઈન્ડસ્ટ્રીઝ પણ લગાવશે. જેનાથી વધુ લોકોને રોજગારી મળશે. આ નોકરીઓ નાનાથી લઇને મોટા લેવલ સુધી હોઈ શકે છે. જેમકે જો કોઈ ઈન્ડસ્ટ્રીઝ લગાવે છે તો તેમાં ફક્ત કામ કરનારા કર્મચારી હોતા નથી. પરંતુ તમામ મેનેજરો, માર્કેટીંગ અને સેલ્સના લોકો, એચઆરના લોકો, એડમિનિસ્ટ્રેશનના લોકો, સફાઈ કર્મચારી, સુરક્ષા ગાર્ડ આ બધાની જરૂર પડે છે. જેનાથી નોકરીઓ વધવાની તક વધે છે. એટલું જ નહીં, મોદી સરકારનું આ પગલું ઘણાં બધા નવા સ્ટાર્ટઅપ ઉભુ કરશે.
કેવીરીતે કામ આવે છે સેમીકંડક્ટર?
સેમીકંડક્ટરનું કામ તમામ ઈલેક્ટ્રોનિક ડિવાઈસને પાવર આપવાનું હોય છે. જેના દ્વારા ત્રણ ગણી કોમ્પ્યુટીંગ, ઓપરેશન કંટ્રોલ, ડેટા પ્રોસેસિંગ, સ્ટોરેજ, ઈનપુટ-આઉટપુટ મેનેજમેન્ટ, સેન્સિંગ, વાયરલેસ કનેક્ટિવિટી ઝડપથી કામ કરી શકે છે. એટલેકે તેના વગર આર્ટીફિશિયલ ઈન્ટેલિજન્સ, ક્વાન્ટમ કોમ્પ્યુટીંગ, એડવાન્સ વાયરલેસ નેટવર્ક, બ્લોકચેન એપ્લિકેશન, રોબોટ, ડ્રોન, ગેમ, સ્માર્ટવોચ અને ત્યાં સુધી કે 5જી ટેકનિકની પણ કલ્પના કરી શકાય નહીં.
ક્યા-ક્યા થાય છે સેમીકંડક્ટરનો ઉપયોગ?
સેમીકંડક્ટરનો ઉપયોગ ગાડીઓ સિવાય સ્માર્ટફોન, સ્માર્ટ વોચ, લેપટોપ, ડેટા સેન્ટર, કોમ્પ્યુટર, ટેબલેટ, એટીએમ, એગ્રીટેક ઈક્વિપમેન્ટ સહિત ઘરમાં ઉપયોગમાં આવતા ફ્રીજ-વોશિંગ મશીન જેવી ચીજ વસ્તુમાં થાય છે. એટલેકે જોવામાં આવે તો સેમીકંડક્ટર વગર ઘણાં બધા ઈક્વિપમેન્ટ ઠપ પડી જશે.