ટૂંક સમયમાં ઇલેક્ટ્રિક ટ્રેક્ટર અને ટ્રક લોન્ચ કરવાની તૈયારી કરી રહ્યા છે. પેટ્રોલ અને ડીઝલ પર નિર્ભરત ઓછી થશે: કેન્દ્રીય મંત્રી નીતિન ગડકરી
ઇલેક્ટ્રિક ટ્રેક્ટર અને ઇલેક્ટ્રિક ટ્રક ભવિષ્યમાં જોવા મળશે
બાંધકામના સાધનોમાં પણ ઇથેનોલ વપરાશે
ઇથેનોલ શેરડીમાંથી બનાવવામાં આવે છે
વૈકલ્પિક ઇંધણ જ એકમાત્ર ભવિષ્ય
સ્કૂટર અને કાર બાદ ટૂંક સમયમાં જ દેશમાં ઇલેક્ટ્રિક ટ્રેક્ટર પણ જોવા મળવાના છે. કેન્દ્રીય મંત્રી નીતિન ગડકરીએ આ જાહેરાત કરી છે. એક કાર્યક્રમ દરમિયાન તેમણે કહ્યું હતું કે ઇલેક્ટ્રિક, ઇથેનોલ અને મિથેનોલ જેવા વૈકલ્પિક ઇંધણ જ એકમાત્ર ભવિષ્ય છે. ગડકરી એ કહ્યું કે આજથી ત્રણ વર્ષ પહેલાં, જ્યારે હું ઇલેક્ટ્રિક કાર વિશે વાત કરતો હતો, ત્યારે લોકો તેના પર સવાલ ઉઠાવતા હતા. પરંતુ આજના સમયમાં દેશમાં ઈલેક્ટ્રિક વાહનોની માંગ વધી ગઈ છે.
ટૂંક સમયમાં ખેતરમાં જોવા મળશે ઇલેક્ટ્રિક ટ્રેક્ટર
નીતિન ગડકરીએ ઇલેક્ટ્રિક વાહનોની ભવિષ્યનાં પ્લાન વિશે વાત કરતા કહ્યું કે સ્કૂટર, કાર અને બસ બાદ હવે તેઓ ઇલેક્ટ્રિક ટ્રેક્ટર અને ઇલેક્ટ્રિક ટ્રક લોન્ચ કરવાની તૈયારી કરી રહ્યા છે. તેમણે ઇથેનોલ જેવા વૈકલ્પિક ઇંધણ તરફ વળવાની જરૂરિયાત પર ભાર આપ્યો છે.
ઉર્જા માટે 10 લાખ કરોડ રૂપિયાના પેટ્રોલિયમ ઉત્પાદનોની આયાત
કેન્દ્રીય માર્ગ પરિવહન અને રાજમાર્ગ મંત્રીએ કહ્યું હતું કે, ઊર્જા અને વીજળી ક્ષેત્રની જરૂરિયાતોને પહોંચી વળવા માટે 10 લાખ કરોડ રૂપિયાના પેટ્રોલિયમ ઉત્પાદનોની આયાત કરે છે. આગામી પાંચ વર્ષમાં આ માંગ 25 લાખ કરોડ રૂપિયા સુધી જાય તેવી શક્યતા છે, જેની અસર દેશની અર્થવ્યવસ્થા પર પડશે.
ઇથેનોલ તરફ વધુ ધ્યાન આપવું જોઈએ
ગડકરીએ કહ્યું હતું કે ડીઝલ આધારિત કૃષિ સાધનોને પેટ્રોલ આધારિત બનાવવા જોઈએ અને ફ્લેક્સ એન્જિન ઇથેનોલ પર ચલાવવા માટે બદલવું જોઈએ. ઇથેનોલને પણ બાંધકામના સાધનોમાં સમાવવાનો પ્રયાસ કરવામાં આવી રહ્યો છે. નીતિન ગડકરીએ કહ્યું કે ખાંડના ઉત્પાદનથી ઇથેનોલ તરફ આગળ વધવાની જરૂર છે. વિશ્વભરમાં ખાંડની માંગમાં વધારો અસ્થાયી છે.
બ્રાઝીલ ક્રુડ ઓઈલનાં ભાવ વધતા શેરડીમાંથી ઇથેનોલ બનાવ્યું
કેન્દ્રીય મંત્રીએ બતાવ્યું હતું કે જ્યારે ક્રૂડ ઓઇલની કિંમત 140 ડોલર પ્રતિ બેરલ સુધી પહોંચી, ત્યારે બ્રાઝિલ શેરડીમાંથી ઇથેનોલનું ઉત્પાદન શરૂ કરી દે છે. આ કારણે વૈશ્વિક બજારમાં ભારતીય ખાંડની માગ વધી જાય છે. કાચા તેલની કિંમતો ઘટીને 70-80 ડોલર પ્રતિ બેરલ થતાં જ બ્રાઝિલે ખાંડનું ઉત્પાદન પાછું ચાલુ કરી દીધું છે. તેમણે કહ્યું કે કાચા તેલની કિંમત ઘટતા જ ખાંડના ભાવ પણ ઘટી જશે.