ફાર્મસીનો અભ્યાસ કરવા ઈચ્છતા ગુજરાતના વિદ્યાર્થીઓ માટે સારા સમાચાર છે. કેન્દ્ર સરકારે ગુજરાતમાં નવી 25 ફાર્મસી કોલેજને મંજૂરી આપી છે.
કેન્દ્ર સરકારે ગુજરાતમાં નવી 25 ફાર્મસી કોલેજને આપી મંજૂરી
બેચરલ ઓફ ફાર્મસીની 18 અને ડિપ્લોમાં ઇન ફાર્મસીની 7 કોલેજને મંજૂરી
નવી કોલેજનું નિર્માણ થતાં 1 હજાર 400 વિદ્યાર્થીઓને થશે લાભ
ગુજરાત વિધાનસભાની ચૂંટણી પૂરી થતાં જ સરકારે મોટા નિર્ણયો લેવાનું શરૂ કરી દીધું છે. ગુજરાતમાં શાનદાર જીત બાદ કેન્દ્ર સરકારે રાજ્યમાં 25 નવી ફાર્મસી કોલેજોને મંજૂરી આપી છે. આ કોલેજોને મંજૂરી મળતાં જ વિદ્યાર્થીઓને ફાયદો થયો છે. અગાઉ ફાર્મસીના વિદ્યાર્થીઓને અભ્યાસ માટે અન્ય રાજ્યોમાં જવું પડતું હતું. પરંતુ 25 કોલેજોને મંજૂરી મળતા હવે ગુજરાતમાં 1400થી વધુ વિદ્યાર્થીઓ અભ્યાસ કરી શકશે.
ગુજરાતમાં 25 ફાર્મસી કોલેજને મંજૂરી
ફાર્મસી કાઉન્સિલ ઓફ ઇન્ડિયા દ્વારા બેચલર ઓફ ફાર્મસીની 18 કોલેજને મંજૂરી આપી છે, જ્યારે ડિપ્લોમાં ઈન ફાર્મસીની 7 કોલેજને મંજૂરી આપવામાં આવી છે. સાથે જ બેચરલ ઓફ ફાર્મસીની 1000 કરતા વધારે અને ડિપ્લોમાં ઇન ફાર્મસીની 400 બેઠક વધારવામાં આવી છે.
1 હજાર 400 વિદ્યાર્થીઓને થશે ફાયદો
નવી કોલેજનું નિર્માણ થયા બાદ 1 હજાર 400 વિદ્યાર્થીઓને લાભ થશે. સાથે જ રાજ્યના વિદ્યાર્થીઓને ફાર્મસીના અભ્યાસ માટે અન્ય રાજ્યમાં જવું પડશે નહીં. આપને જણાવી દઈએ કે, રાજ્યમાં ફાર્મસીની સીટો ઓછી હોવાને કારણે વિદ્યાર્થીઓ ફાર્મસીનો અભ્યાસ કરવા માટે અન્ય રાજ્યોમાં જતાં હતા. કેન્દ્ર સરકારના આ નિર્ણય બાદ ફાર્મસી એજ્યુકેશનમાં પણ ગુજરાત હવે મોખરે રહેશે. એક સાથે 25 કોલેજોને મંજૂરી અપાતા હવે વિદ્યાર્થીઓ ગુજરાતમાં જ ફાર્મસીનો અભ્યાસ કરી શકશે.