Business / એલન મસ્કની આશા પર ફરી વળ્યું પાણી, આ મામલે મોદી સરકાર નહીં આપે રાહત

• એલન મસ્કની આશા પર ફરી વળ્યું પાણી
• મોદી સરકાર નહી માને તેની માગ 
• ઇલેક્ટ્રીક કાર પર નહી ઘટે ટેક્સ 

થોડા દિવસ પહેલા એલન મસ્કે ભારત સરકાર પાસે ઇલેક્ટ્રીક કારના આયાત ટેક્સમાં ઘટાડાની માગ કરી હતી. હવે સરકાર તરફથી સ્પષ્ટ કહી દેવામાં આવ્યું છે કે ટેક્સના પૈસામાં ઘટાડો નહી કરી શકાય. 

કેન્દ્ર સરકારમાં મંત્રી કૃષ્ણ પાલ ગુર્જરે કહ્યું કે, ભારે ઉદ્યોગ મંત્રાલયે આ પ્રકારના કોઇ પ્રસ્તાવ પર વિચાર કર્યો નથી. તે સાથે જ સરકાર ઘરેલૂ કર અને ચાર્જીંગ સ્ટેશન સાથે જોડાયેલ અન્ય પગલા લેવા જઇ રહી છે. સરકાર તરફથી નિવેદન સામે આવ્યું જ્યારે એલન મસ્કે આયાત ટેક્સ ઓછુ કરવાની માગ કરી હતી. એક રિપોર્ટ અનુસાર ટેસ્લાએ ગયા મહિને પરિવહન અને ઉદ્યોગ મંત્રાલયોને પત્રો લખીને 40 ટકા ટેક્સ ઓછુ કરવાની માગ કરી હતી. 

જે બાદ એલન મસ્કે ટ્વિટર પર કહ્યું કે, ભારતમાં આયાત શુલ્ક દુનિયામાં સૌથી વધારે છે. સાથે જ મસ્કે કહ્યું કે કંપનીને ભારતમાં જો સફળતા મળશે તો મેન્યુફેક્ચરિંગ પ્લાન્ટ લગાવવાનું વિચાર કરી શકાય છે. 

અચાનક એલન મસ્કે એલાન કર્યુ છે કે તે પોતાની પ્રોપર્ટી વેચી રહ્યો છે. તે પોતાનું સપનુ પુરુ કરવા માટે પોતાની પ્રોપર્ટી વેચવા તૈયાર થયો છે. તે લોકોને માર્સ પર મોકલવા માટે પોતાની બધી પ્રોપર્ટી વેચી દેશે. 

સ્પેસેક્સના ફાઉન્ડર અને અરબપતિ એલન મસ્કે મે 2020માં નિવેદન આપ્યુ હતુ કે 2050 સુધી તે માર્સ પર દુનિયા વસાવી લેશે. તેના માટે ઘણા રૂપિયાની જરૂર છે અને તે પૈસા જોડવા માટે પોતાની પ્રોપર્ટી વેચી રહ્યો છે. ટ્વીટ કરીને તેણે આ જાણકારી આપી છે અને આ ઘર તેના માટે ખુબ સ્પેશ્યલ છે.

ગયા અઠવાડીયે મસ્કે જાણકારી આપી હતી કે તેણે બધી પ્રોપર્ટી વેચી દીધી છે અને પોતાની પાસે રહેલી એક પ્રોપર્ટી રેન્ટ પર લગાવી દીધી છે. આવુ કરવા પાછળનું કારણ પ્રોજેક્ટ પાછળનુ બજેટ છે. બધી પ્રોપર્ટી વેચ્યા બાદ આ છેલ્લુ ઘર તેની પાસે હતુ હવે તે પણ વેચવા જઇ રહ્યો છે.