તમારા કામનું / મોદી સરકાર ઈનામમાં આપશે રૂ.બે લાખ, ભાગ લો આ સ્પર્ધામાં; 31 જાન્યુઆરી સુધી કરો આવેદન

• સરકાર આપશે 2 લાખ રૂપિયાનું ઈનામ 
• 31 જાન્યુઆરી 2023 સુધી કરી શકાશે અરજી 
• જાણો કઈ રીતે આ સ્પર્ધામાં લેશો ભાગ 

જો તમે સરકાર પાસેથી 2 લાખ રૂપિયા લેવા માંગતા હોવ તો મોદી સરકારના આ કાર્યક્રમમાં ભાગ બનીને 2 લાખનું વળતર સરળતાથી મેળવી શકો છો. કારણ કે ગ્રામીણ અર્થવ્યવસ્થાને બદલવાના વિચારો અને ઉકેલ આપનારને સરકાર 2 લાખ રૂપિયાનું ઈનામ આપી રહી છે. 

ગ્રામીણ વિકાસ મંત્રાલયે પ્રજ્જવલા ચેલેન્જ દ્વારા યુવાઓ, વિચારકો પાસે આઈડીયા મોકલવા કહ્યું છે. આ માટે અરજી પ્રક્રિયા શરૂ થઈ ગઈ છે અને અરજીઓ સ્વીકારવાની છેલ્લી તારીખ 31 જાન્યુઆરી, 2023 નક્કી કરવામાં આવી છે. તમે 31 જાન્યુઆરી પહેલા ઓનલાઈન અરજી કરી શકો છો.

દીનદયાળ અંત્યોદય યોજના
રાષ્ટ્રીય ગ્રામીણ આજીવિકા મિશનએ ગ્રામીણ અર્થતંત્રમાં પરિવર્તન લાવી શકે તેવા વિચારો, સમાધાનો અને ક્રિયાઓને આમંત્રિત કરવાના ઉદ્દેશ્ય સાથે પ્રજ્જવલા ચેલેન્જ યોજના શરૂ કરી છે. તે એક એવું પ્લેટફોર્મ છે જ્યાં વ્યક્તિઓ, સામાજિક સાહસો, સ્ટાર્ટઅપ્સ, ખાનગી ક્ષેત્ર, નાગરિક સમાજ, સમુદાય આધારિત સંસ્થાઓ, શૈક્ષણિક સંસ્થાઓ અને ગ્રામીણ અર્થતંત્રમાં પરિવર્તન લાવવાની ક્ષમતા ધરાવતા રોકાણકારો પાસેથી વિચારોની માંગણી કરવામાં આવી છે.

ગ્રામીણ વિકાસ મંત્રાલય નવીન ટેક્નોલોજી સોલ્યુશન્સ, સમાવેશી વૃદ્ધિ, મહિલા ઉદ્યોગસાહસિકતામાં વધારો, ખર્ચ અસરકારક ઉકેલો, રોજગાર અને સ્થાનિક મોડલ વગેરે અંગેના વિચારો અને ઉકેલો શોધી રહ્યું છે. આ માટે અરજી કરવાની પ્રક્રિયા 29 ડિસેમ્બર 2022થી શરૂ કરવામાં આવી છે, જે 31 જાન્યુઆરી 2023 સુધી ચાલુ રહેશે.

વિજેતાઓને મળશે 2-2 લાખ રૂપિયા 
અરજદારોના વિચારોને શોર્ટલિસ્ટ કરવામાં આવશે અને શોર્ટલિસ્ટ કરાયેલા વિચારોને નિષ્ણાત પેનલ તરફથી મેન્ટરશિપ સપોર્ટ અને સ્કેલ વધારવા માટે ઇન્ક્યુબેશન સપોર્ટ આપવામાં આવશે. આ સાથે ટોપ 5 આઈડિયાને 2 લાખ રૂપિયાનું ઈનામ આપવામાં આવશે. 

અરજદારો વધુ વિગતો માટે સત્તાવાર વેબસાઇટ www.prajjwalachallenge.com ની મુલાકાત લઈને માહિતી મેળવી અન્ય માહિતી પણ મેળવી શકે છે.

આ બાબતોનું રાખો ખાસ ધ્યાન 

• પ્રજ્વાલા ચેલેન્જ માટે અરજદારો માટે કોઈ વય મર્યાદા નથી.
• અરજીઓ સ્વીકારવાની છેલ્લી તારીખ 31 જાન્યુઆરી 2023 નક્કી કરવામાં આવી છે.
• અરજદારો વેબસાઇટ prajjwalachallenge.com પર અરજી કરી શકે છે.
• સરકાર 5 વિજેતા અરજદારોને 2-2 લાખ રૂપિયાનું ઇનામ આપશે.