કૃષિ સંબંધિત ત્રણ બિલને રાજ્યસભામાં પાસ કરાવવું કેન્દ્ર સરકાર માટે સૌથી મોટો પડકાર છે. આ બિલને લઇને NDA ગઠબંધનની સૌથી જૂની સહયોગી પાર્ટી અકાલી દળના વિરોધના કારણે સરકાર માટે સદદની અંદર અને બહાર ભારે વિરોધનો સામનો કરવો પડી રહ્યો છે. રવિવારે આ બિલ રાજ્યસભામાં આવશે અને સરકારનો પ્રયત્ન હશે કે આ બિલને કોઇપણ સંજોગોમાં પાસ કરાવામાં આવે.
રાજ્યસભાની કુલ 245 બેઠકમાંથી 2 બેઠકો છે ખાલી
બિલ પાસ કરવા માટે સરકારને 122 મતની જરૂર
રાજ્યસભામાં 86 સાંસદો સાથે સૌથી મોટી પાર્ટી છે ભાજપ
જો કે સૂત્રોને મળતી જાણકારી મુજબ સરકારે આ ત્રણેય બિલને રાજ્યસભામાં પાસ કરાવા માટે મોરચા બંધી શરૂ કરી દીધી છે. ભાજપે પોતાના સાંસદોને વ્હીપ જાહેર કર્યો છે. આ સાથે વિપક્ષી પાર્ટીઓને પણ આ બિલના સમર્થનમાં લાવવા માટે કેન્દ્રના મંત્રીઓ સંપર્ક કરી રહ્યાં છે. એક મળતા અહેવાલ મુજબ રક્ષા મંત્રી રાજનાથ સિંહે શિવસેના અને NCPના નેતા સાથે ફોન પર વાત કરી અને બિલના પક્ષમાં સમર્થનની અપીલ કરી.
ઉલ્લેખનીય છે કે સંસદના ઉપરી સદન રાજ્યસભામાં સરકાર પાસે બહુમતિ નથી. એવા આ મહત્વપૂર્ણ બિલને પાસ કરાવવા માટે સરકારને વિપક્ષીની પાર્ટીઓ પર વધારે મદાર રાખવો પડે છે. જો કે સરકાર બિલને લઇને ઘણી આશ્વત છે કે આ ત્રણેય બિલ તે સરળતાથી પસાર કરાવી દેશે. જો કે સરકાર સામે સોથી મોટો પડકાર છે. આ બિલના સમર્થનમાં રહેલી પાર્ટી રાજ્યસભાના અંકગણિત પર ધ્યાન આપીએ તો 245 સભ્યોમાં રાજ્યસભામાં ભાજપ 86 સાંસદો સાથે સૌથી મોટી પાર્ટી છે.
રાજ્યસભાની કુલ 245 બેઠકમાંથી 2 બેઠકો છે ખાલી
બિલ પાસ કરવા માટે સરકારને 122 મતની જરૂર
રાજ્યસભામાં 86 સાંસદો સાથે સૌથી મોટી પાર્ટી છે ભાજપ
સરકારને BJD, AIADMK, TRS, YSR કોંગ્રેસ અને TDPના મતની આશા
આ તમામ પાર્ટી ભાજપના ગઠબંધનનો હિસ્સો નથી
BJD પાસે 9, AIADMK પાસે 9, TRS પાસે 7 સભ્યોનું સંખ્યાબળ
YSR કોંગ્રેસ પાસે 6 અને TDP પાસે એક સભ્યનું સંખ્યાબળ