કેન્દ્ર સરકારની સોવરેન ગોલ્ડ બોન્ડ સ્કીમ હેઠળ સસ્તી કિંમતમાં ગોલ્ડ બોન્ડ ખરીદવાનો મોકો મળી રહ્યો છે.
સસ્તામાં ગોલ્ડ ખરદવાનો મોકો
ગોલ્ડ બોન્ડ દ્વારા કરો બચત
મોદી સરકાર આપી રહી છે મોકો
જો ગોલ્ડ દ્વારા રોકાણ કરવાનું વિચારી રહ્યા હોય તો તમારા માટે આ સારી તક છે. હકીકતે કેન્દ્ર સરકારની સોવરેન ગોલ્ડ બોન્ડ સ્કીમ હેઠળ સસ્તી કિંમતમાં ગોલ્ડ બોન્ડ ખરીદવાનો મોકો મળી રહ્યો છે.
ક્યાં શું છે તક?
સરકારની આ સ્કીમ 9થી 13 ઓગસ્ટ, 2021 સુધી છે. આ ખરીદીના સમયગાળા દરમિયાન ગોલ્ડ બોન્ડની કિંમત 4,790 રૂપિયા પ્રતિ ગ્રામ નક્કી કરવામાં આવી છે. મતલબ એ કે તમે આ કિંમતમાં ગોલ્ડ ખરીદી શકો છો. ભારત સરકાર એ રોકાણકારોને 50 રૂપિયા પ્રતિ ગ્રામની છૂટ આપશે જે ઓનલાઈ અરજી કરશે અને ડિજિટલ મોડના માધ્યમથી ચુકવણી કરશે. એવા રોકાણકારો માટે ગોલ્ડ બોન્ડની કિંમત 4,740 રૂપિયા પ્રતિ ગ્રામ હશે.
શું છે શરતો?
ગોલ્ડ બોન્ડની કિંમત ફિઝિકલ ગોલ્ડની બજાર કિંમતના મુકાબલે ઓછી છે. આ સ્કીમ સાથે જોડાવવા માટે ઓછામાં ઓછા એક ગ્રામની ખરીદી જરૂરી છે. વધુમાં વધુ તમે 4 કિલો ખરીદી શકો છો. બોન્ડની મેચ્યોરિટીનો સમયગાળો 8 વર્ષ છે. જોકે પાંચ વર્ષ બાદ તેમાંથી બહાર નિકળવાનો વિકલ્પ મળે છે. વ્યાજની વાત કરવામાં આવે તો પ્રતિ વર્ષ 2.50 ટકા છે.