ચામડી દઝાડી મૂકે એવી આ ગરમીમાં લોકો બેહાલ છે. ત્યારે આવી ગરમીમાં મોદી સરકાર જનતા માટે ભેટ આપવાની તૈયારીમાં છે. સત્તામાં બહુમતી સાથે વાપસી સાથે મોદી સરકાર હવે સામાન્ય માનવીને સસ્તા દરે એર કન્ડિશનર (AC) ઉપલબ્ધ કરાવશે.
સામાન્ય રીતે એવું છે કે જેમ-જેમ ગરમીનો પારો વધે છે તમામની ઇચ્છા ઘરમાં એર કન્ડિશન લગાવવાની હોય છે. જોકે તેની કિંમત સાંભલી લોકો ખરીદી શકતા નથી. હવે એવા લોકો માટે સારા સમાચાર છે જે મોંઘા AC ખરીદી શકતા નહોતો.
પ્રાપ્ત સૂત્રો મુજબ, સરકાર તરફથી બજારમાં ઉપલબ્ધ ACની કિંમત અન્ય કંપનીઓના AC કરતા 15થી 20 ટકા ઓછી હશે. કેટલાક મીડિયા રિપોર્ટમાં 30 ટકા સુધી AC સસ્તા હોવાની વાત કરવામાં આવી રહી છે.
બજારમાં આ AC સરકારી કંપની EESL ઉપલબ્ધ કરાવશે. આ ACની સૌથી મોટી વિશેષતા એ રહેશે કે તે ઓછી વીજળીનો ઓછો ઉપયોગ કરશે. તમારા વીજળીના બિલમાં પણ લગભગ 35-40 ટકાનો ઘટાડો આવશે.
ગ્રાહક આ ACને ઘરે બેઠા ઓનલાઇન ખરીદી શકશે. ઓનલાઇન બુકિંદ માટે 24 કલાકની અંદર ગ્રાહકને ઘરે AC પહોંચી જશે. આ માટે સરકારી કંપની EESL જુલાઇથી ગ્રાહકો માટે માર્કેટમાં લોન્ચ કરશે. તેના પર એક્સચેન્જ ઓફર પણ મળશે. આ AC બજારમાં જુલાઇમાં મળી શકવાનું અનુમાન લગાવાઇ રહ્યું છે.
સસ્તા દરે એ ગ્રાહકોને જ AC મળશે જેમની પાસે વીજલી કનેક્શન હશે. જે માટે બિલ બતાવવું પડશે. આપને જણાવીએ કે આ AC વીજળી બચત મામલે બજારમાં મળતા 5 સ્ટાર AC ના મુકાબલે વધારે સક્ષમ હશે. કંપનીએ આવનાર વર્ષ સુધીમાં 2 લાખ AC વેચવાનું લક્ષ્ય રાખ્યું છે. એલજી, પેનાસોનિક, બ્લૂ સ્ટાર, ગોદરેડ જેવી મોટી કંપનીઓ AC સપ્લાઇ કરવાની રેસમાં છે. EESL એ કંપની છે, જે બજારમાં સસ્તી કિંમતે એલઇડી બલ્બ, પંખા અને એલઇડી ટ્યૂબલાઇડ ગ્રાહકોને ઉપલબ્ધ કરાવે છે.
EESL મુજબ, બલ્કમાં ACની ખરીદી કરવાથી કિંમત ઓછી થઇ જશે. પ્રાપ્ત માહિતી અનુસાર, એક વર્ષની AC પર ગેરન્ટી મળશે, જ્યારે તેના કોમ્પ્રેશર પર 5 વર્ષની ગેરન્ટી મળશે.