હેલ્થ કાર્ડનો ઉપયોગ હેલ્થ પાસપોર્ટની જેમ પણ કરી શકાય છે. હેલ્થકાર્ડ દ્વારા તમારા મેડિકલ હિસ્ટ્રીની વિશ્વસનીયતા જળવાશે, દે વિદેશમાં સારાવાર કે અન્ય કામ કરવામાં મદદ કરશે
કેન્દ્વ સરકાર દ્વારા વન નેશન-વન રેશન કાર્ડ, વન નેશન-વન ટેક્સ બાદ હવે વન નેશન-વન હેલ્થ કાર્ડની તૈયારી કરવામાં આવી રહી છે. આ મહિને કેન્દ્ર સરકાર દ્વારા તેને દેશભરમાં લોન્ચ કરી શકાય છે. હાલમાં આ યોજના આંદામાન-નિકોબાર, દાદરા અને નગર હવેલી, દમણ-દીવ, લદ્દાખ અને લક્ષદ્વીપમાં ચાલી રહી છે. ગયા વર્ષે 15 ઓગસ્ટે વડાપ્રધાને આની જાહેરાત કરી હતી.
હેલ્થ કાર્ડ હેલ્થ પાસપોર્ટ તરીકે કામ કરશે.
મહત્વનું છે કે, હેલ્થ કાર્ડમાં વ્યક્તિના સ્વાસ્થ્યને લગતી તમામ માહિતી એક જગ્યાએ સંગ્રહિત કરવામાં આવશે. એવું માનવામાં આવે છે કે નાગરિક ઉડ્ડયન ક્ષેત્રમાં, તે એક રીતે હેલ્થ પાસપોર્ટ તરીકે કામ કરશે. યોજના એવી છે કે દેશના તમામ લોકોના આરોગ્ય સંબંધિત ડેટા એક જ જગ્યાએ એકત્રિત કરવામાં આવશે. કેન્દ્ર સરકાર પણ આ ડેટાને સુરક્ષિત રાખવા માટે કામ કરી રહી છે. નિષ્ણાતો કહે છે કે બ્લોકચેન દ્વારા આ ડેટાને સુરક્ષિત રાખી શકાય છે.
નિષ્ણાતોના મતે, જો કોઈ વ્યક્તિ દેશમાં એક ભાગથી બીજા ભાગમાં રહે છે અને તેની સ્વાસ્થ્ય સંબંધિત માહિતી નેટવર્કમાં રહે છે, તો નવી જગ્યાએ ડોક્ટરો તેના ડેટા રેકોર્ડ જોઈ શકે છે. હેલ્થ કાર્ડ દ્વારા, ડોકટરો કોઈપણ નાગરિકનો સંપૂર્ણ આરોગ્ય ઇતિહાસ જોઈ શકશે. હકીકતમાં, ઘણી વખત તપાસ યોગ્ય રીતે ડેટા રેકોર્ડ્સની જાળવણી ન કરવાને કારણે થતી નથી અને ડોકટરો યોગ્ય રીતે મૂલ્યાંકન કરવામાં સક્ષમ નથી. હેલ્થ કાર્ડમાં દર્દીઓનો ડેટા લેવા માટે તેમની સંમતિનું પણ ધ્યાન રાખવામાં આવશે. હેલ્થ કાર્ડનો ઉપયોગ હેલ્થ પાસપોર્ટની જેમ પણ કરી શકાય છે. હેલ્થ કાર્ડ દ્વારા, તમારા મેડિકલ હિસ્ટ્રીની વિશ્વસનીયતા જળવાશે, જે વિદેશમાં સારવાર કે અન્ય કામ કરવામાં મદદ કરશે.
હેલ્થ કાર્ડ કેવી રીતે બનાવાય ?
યોજના શરૂ થયા પછી, તમે આ વેબસાઇટ https://healthid.ndhm.gov.in/register પર જઈને તમારું પોતાનું આરોગ્ય ID પણ બનાવી શકો છો.
એનડીએચએમ હેલ્થ રેકોર્ડ એપ ગૂગલ પ્લે સ્ટોર પર પણ ઉપલબ્ધ છે. તમે આ એપ દ્વારા હેલ્થ આઈડી માટે પણ રજીસ્ટ્રેશન કરાવી શકો છો.
આ સિવાય સરકારી-ખાનગી હોસ્પિટલો, આરોગ્ય કેન્દ્રો, પ્રાથમિક આરોગ્ય કેન્દ્રો અને સામાન્ય સેવા કેન્દ્રો પર પણ કાર્ડ બનાવવામાં આવશે.