કેન્દ્રની મોદી સરકાર નવા વર્ષમાં પોતાના કર્મચારીઓને ખુશખબરી આપી શકે છે. મોદી સરકાર હવે કર્મચારીઓને વધુ એક ભથ્થું એટલેકે હાઉસ રેન્ટ એલાઉન્સ વધારી શકે છે.
મોદી સરકાર નવા વર્ષે પોતાના કર્મચારીઓને આપશે ખુશખબર!
દરખાસ્તને મંજૂરી માટે રેલવે બોર્ડની પાસે મોકલવામાં આવી
દરખાસ્ત પર ઝડપથી વિચાર
સરકાર તરફથી નવા વર્ષમાં ગમે ત્યારે આ એલાઉન્સ વધારવાની જાહેરાત થઇ શકે છે. અહેવાલો મુજબ, આ વધારો આગામી વર્ષે 2022ની જાન્યુઆરીથી લાગુ થઇ શકે છે. દિવાળી પહેલાં કર્મચારીઓના મોંઘવારી ભથ્થામાં વધારો કરી 31 ટકા કરી દીધુ હતુ. ત્યારબાદ હવે આ નવી ભેટ મળવા જઇ રહી છે. કેન્દ્ર સરકારના વિભાગમાં HRA વધારવા પર ચર્ચા જોરશોરથી ચાલી રહી છે. નાણાં મંત્રાલયે આ સંદર્ભે 11.56 લાખથી વધુ કર્મચારીઓના હાઉસ રેન્ટ એલાઉન્સ લાગુ કરવાની માંગ પર વિચાર કરવાનુ શરૂ કરી દીધુ છે. આ દરખાસ્તને મંજૂરી માટે રેલવે બોર્ડની પાસે મોકલવામાં આવી છે.
પ્રસ્તાવને મંજૂરી મળશે તો કર્મચારીઓને મળશે HRA
દરખાસ્તને મંજૂરી મળ્યાં બાદ જાન્યુઆરી 2021થી કર્મચારીઓને HRA મળી જશે. HRA મળતા આ કર્મચારીઓના પગારમાં સારો વધારો થશે. ઈન્ડિયન રેલવે ટેકનિકલ સુપરવાઈઝર્સ એસોસિએશન અને નેશનલ ફેડરેશન ઓફ રેલવેમેને 1 જાન્યુઆરી 2021થી HRA લાગુ કરવાની માંગ કરી છે.
આ શહેરોમાં અલગ હોય છે HRA
હાઉસ રેન્ટ એલાઉન્સ (HRA)ની કેટેગરી X, Y અને Z ક્લાસ શહેરો મુજબ છે. એટલેકે જે કર્મચારી X કેટેગરીમાં આવે છે તેમને હવે 5400 રૂપિયા મહિનાથી વધુ HRA મળશે. ત્યારબાદ Y Class વાળાંને 3600 રૂપિયા મહિને અને પછી Z Class વાળાંને 1800 રૂપિયા મહિને HRA મળશે. X કેટેગરીમાં 50 લાખથી વધુ વસ્તીવાળાં શહેરો આવે છે. આ શહેરોમાં જે કેન્દ્રીય કર્મચારીઓ છે, તેમને 27 ટકા HRA મળશે. Y કેટેગરીના શહેરોમાં 18 ટકા હશે અને Z કેટેગરીમાં 9 ટકા હશે.