નિવેદન / રવિશંકર પ્રસાદે કહ્યું, આ મોદી સરકાર છે અમે પાછળ નહીં હટીએ જેને...

• CAAને પાછો લેવાની માંગ સાથે દિલ્હીના શાહીન બાગમાં 70થી વધુ દિવસોથી પ્રદર્શન જારી
• દિલ્હી સહિત દેશના ઘણા શહેરોમાં પ્રદર્શન કરીને સરકાર પર દબાણ બનાવાઇ રહ્યું છે
• કાયદા મંત્રીએ કહ્યું, CAA ન કોઇની નાગરિકતા છીનવે છે અને ન આપે છે

કાયદા મંત્રી રવિશંકર પ્રસાદે ગુરુવારે દહેરાદૂનમાં કહ્યું કે સીએએ (CAA) પર અમે પાછળ નહીં હટીએ, આ નરેન્દ્ર મોદીની સરકાર છે. તેઓે આગળ કહ્યું કે જેમને ચર્ચા કરવી છે તેઓ આવે અને ચર્ચા કરે. 

કાયદા મંત્રીએ કહ્યું કે પહેલા જ ઘણી વાર કહેવામાં આવી ચૂક્યું છે કે સીએએ (CAA) ન કોઇની નાગરિકતા છીનવે છે અને ન આપે છે. તેઓએ કહ્યું કે આ નરેન્દ્ર મોદીની સરકાર છે. પ્રેમથી વાત સાંભળે છે અને સમજાવે છે. કેટલીક કમજોરી હોય તો તેને ઠીક પણ કરી લે છે. 

શાહીન બાગમાં વિરોધ પ્રદર્શન કરી રહેલા પ્રદર્શનકારીઓનું કહેવું છે કે મોદી સરકાર દ્વારા લાવવામાં આવેલો CAA કાયદો બંધારણની વિરુદ્ધ છે. આ કાયદો લઘુમતીઓની વિરુદ્ધ છે જે ભારતના મૂળ નિયમોનું ઉલ્લંઘન કરે છે. 

દિલ્હી હિંસાને લઇને રવિશંકર પ્રસાદે કહ્યું કે સ્થિતિ કાબુમાં છે. તેઓએ કહ્યું કે સુઇ રહેલી વ્યક્તિને જગાડી શકાય પરંતુ જે પહેલાથી જ જાગે છે તેમને કેવી રીતે જગાડવા. નોંધનીય છે કે, દિલ્હીના ઉત્તર-પૂર્વી વિસ્તારોમાં નાગરિકતા કાયદાના વિરોધ અને સમર્થન કરતા બે જુથો વચ્ચે ઘર્ષણ થયું. જેણે બાદમાં હિંસાનં સ્વરૂપ ધારણ કર્યું હતું. તેમા 35 લોકોનું મોત થઇ ચૂક્યું છે અને 150થી વધારે લોકો ઘાયલ છે.