ખેતી વાડી / રૂ.6000ની સ્કીમને લઈને ખેડૂતો માટે આવી મોટી ખબર, સરકારે કર્યુ આ કામ

• 9.74 કરોડ કિસાન આ યોજના અંતર્ગત લાભ લઈ રહ્યા છે
• 8.45 કરોડ ખેડૂતોને મળી ચૂકી છે સહાય
• મોબાઈલ એપમાં શું જાણકારી મળશે?

કૃષિપ્રધાન નરેન્દ્રસિંહ તોમરે આ મોબાઈલ એપની જાહેરાત કરી હતી. તેમણે વધુમાં જણાવ્યું હતુ કે, દરેક ખેડૂતને વાર્ષિક 6 હજારની સહાય 3 હપ્તામાં ચુકવવામાં આવ છે. તેની જાણકારી હવે આ મોબાઈલ એપથી પણ જાણી શકાય. 

9.74 કરોડ કિસાન આ યોજના અંતર્ગત લાભ લઈ રહ્યા છે

PM-Kisanની શરૂઆત 24 ફેબ્રુઆરી 2019ના રોજ ઉત્તરપ્રદેશથી શરૂ કરવામાં આવી હતી. પશ્ચીબંગાળ સિવાયના તમામ રાજ્યોમાં આ યોજના લાગુ કરવામાં આવી છે. સરકારી આંકડા અનુસાર 14 કરોડ ખેડૂતોમાંથી 9.74 કરોડ ખેડૂતો PM-Kisan યોજના અંતર્ઘત રજિસ્ટ્રેશન કરાવી ચૂક્યા છે. 

8.45 કરોડ ખેડૂતોને મળી ચૂકી છે સહાય

સરકારી આંકડા જોઈએ તો રાજ્ય સરકારોએ જે આંકજા કેન્દ્રને મોકલાવ્યા છે. તે અંતર્ઘત 8.45 કરોડ ખેડૂતો અત્યાર સુધી પોતાના ભાગની સહાય મેળવી ચુક્યા છે. મોબાઈલ એપથી ખેડૂતોને વધુને વધુ લાભ આંગળીને ટેરવે મળી રહેશે. આવનારા 2020 સુધીમાં સરકાર ખેડૂતોની આવક બમણી કરવા માટે ટેક્નોલોજીનો સહારો લેવાનું સુચવી રહી છે. 

મોબાઈલ એપમાં શું જાણકારી મળશે?

PM-Kisan મોબાઈલ એપમાં ખેડૂત પોતાના આધાર કાર્ડ નંબરથી સરકારી યોજનાઓ અને પોતાનું સ્ટેટસ જાણી શકશે. એ સિવાય અન્ય હેલ્પ લાઈન નંબર પણ મેળવી શકશે. આ એપની ડિઝાઈન રાષ્ટ્રીય માહિતી પ્રસારણ, ઈનેક્ટ્રોનિક અને પ્રસારણ પ્રોદ્યોગિક મંત્રાલય દ્વારા કરવામાં આવી છે.