સુરક્ષા / કોરોનાથી દેશને બચાવવા મોદી સરકારે લોન્ચ કર્યું ખાસ એપ, આ રીતે તમને આપશે એલર્ટ

• કોરોના સંકટમાં મોદી સરકારની પહેલ
• લોન્ચ કર્યું કોરોના કવચ એપ
• એપ આપશે તમને કોરોના સંબંધિત તમામ માહિતી

એપ આ રીતે કરશે કામ

આ એપ લોકોની સુરક્ષાને માટે બનાવવામાં આવ્યું છે. તેનાથી કોરોના વાયરસની જાણકારી અને તેના વધતા પ્રકોપની માહિતી મેળવી શકાય છે. આ ડેટાને વિશ્લેષણ કરવા અને ભારતમાં કોરોનાના એક્ટિવ કેસની જાણકારી આપવા માટે વાપરવામાં આવે છે. આ સિવાય એપમાં વધારે ફીચર્સ પણ જોડવામાં આવ્યા છે. જેમાં વ્યક્તિના શ્વાસ લેવાની ક્ષમતા અને  સેલ્ફ ચેકની વ્યવસ્થા પણ છે. 

આ રીતે એપ કરશે તમને સૂચિત

કોરોના કવચને કોવિડ 19ને વિશે જાણકારી આપવા માટે બનાવાયું છે. તે યૂઝરના ડેટાને દર કલાકે ટ્રેક કરે છે જેનાથી તેમને માહિતગાર કરી શકાય કે કોઈ એવા વ્યક્તિ પાસેથી પસાર થઈ રહ્યા છો જેને કોરોના સંક્રમિત ગણવામાં આવ્યા છે. એપમાં યૂઝરે પોતાના ફોન નંબરનો ઉપયોગ કરીને સાઈન ઈન કરવાનું રહે છે અને તેની સાથે જીપીએસ તેની મૂવમેન્ટને ટ્રેક કરે છે.