Utility / તમારુ વિદેશ ભણવા જવાનુ સપનુ પુરુ કરશે મોદી સરકાર, જાણો કેવી રીતે કરશો એપ્લાય

• વિદેશ ભણવા જવાનુ સપનુ થશે પુરુ
• મોદી સરકાર મોકલે છે 4 હજાર વિદ્યાર્થીઓને વિદેશ 
• જાણો કોણ લઇ શકે છે લાભ આ સ્કોલરશીપનો 

નિયમોને પૂરા કર્યા બાદ કેન્દ્ર સરકાર આ વિદ્યાર્થીઓનો ખર્ચો ઉપાડી રહી છે. સૌથી વધારે માઇનોરિટી આ સેવાનો લાભ લઇ રહી છે. ખુબ જ આસાન નિયમો દ્વારા તમે પણ તમારા બાળકોને વિદેશ ભણવા મોકલી શકો છો. 

મોદી સરકારની 5 યોજના

કેન્દ્ર સરકાર રાષ્ટ્રીય વિદેશી સ્કોલરશીપ, રાષ્ટ્રીય પ્રવાસી સ્કોલરશીપ, યુજીસી સ્કોરલશીપ અને સાંસ્કૃતિક અને શૈક્ષણિક વિનિમય કાર્યક્રમ સ્કોલરશિપ હેઠળ બાળકોને ભણવા બહાર મોકલે છે. 

રાષ્ટ્રીય વિદેશી સ્કોલરશીપનો લાભ sc કે પ્રવાસી જાતિઓ સાથે જોડાયેલા વિદ્યાર્થીઓને આપવામાં આવે છે. આ સ્કોલરશીપનો લાભ સામાજીક ન્યાય અને અધિકારિતા મંત્રાલય દ્વારા આપવામાં આવે છે. 

રાષ્ટ્રીય પ્રવાસી સ્કોલરશીપનો ફાયદો એસસી વિદ્યાર્થીઓને આપવામાં આવે છે. આ સ્કોલરશીપ જનજાતિઓના મંત્રાલય તરફથી આપવામાં આવે છે. 

ભણો પરદેશ સ્કોલરશીપ માઇનોરિટી મંત્રાલય તરફથી આપવામાં આવે છે. આ એક એવી યોજના છે જેનો ફાયદો દર વર્ષો સાડા 3 હજાર વિદ્યાર્થીઓ ઉઠાવે છે. 

હંગરી સરકારના સહયોગથી ચલાવવામાં આવતા એક કાર્યક્રમ હેઠળ યુજીસી ત્યાં ભણવા માટે સ્કોલરશીપ આપે છે. દર વર્ષે 200 વિદ્યાર્થી આ યોજનાનો લાભ લે છે. 

સાંસ્કૃતિક અને શૈક્ષમિક વિનિમય કાર્યક્રમ હેઠળ વિદ્યાર્થીઓને સિલેક્ટ કરીને તેમને ઇટલી, દક્ષિણ કોરિયા, ન્યૂઝિલેન્ડ અને યુ કે ભણવા માટે મોકલવામાં આવે છે. 

આ રીતે કરી શકશો એપ્લાય

• વિદ્યાર્થીની હાલની તસવીર
• રાષ્ટ્રીય પરિક્ષાના માર્ક્સ 
• શૈક્ષણિક પ્રમાણપત્ર
• માન્ય રાષ્ટ્રીય ઓળખ કાર્ડ અથવા પાસપોર્ટ
• આંતરરાષ્ટ્રીય પરિક્ષાના માર્ક્સ
• ભાષા પરિક્ષણના માર્ક્સ
• પરિવારની વાર્ષિત ઇન્કમ 8 લાખથી વધુ ન હોવી જોઇએ
• પીજી કાર્યક્રમમાં સ્નાતકમા 60 ટકા માર્ક્સ
• એક પરિવારમાંથી માત્ર 2 બાળક જ ફાયદો લઇ શકે છે