ભેટ / કેન્દ્રીય કર્મચારીઓને ગિફ્ટ આપવાની તૈયારીમાં મોદી સરકાર, ગમે તે ઘડીએ થઈ શકે છે આ મોટું એલાન

• કેન્દ્રીય કર્મચારીઓને ભેટ આપવાની તૈયારીમા
• ટૂંક સમયમાં થઈ શકે છે જાહેરાત
• હોળી અને ધુળેટીના તહેવારોને લઈ મળી શકે છે ભેટ

કેન્દ્રિય કર્મચારીઓ માટે સારા સમાચાર સામે આવી રહ્યા છે. જેમાં સરકાર કેન્દ્રીય કર્મચારીઓને ભેટ આપવાની તૈયારી કરી રહી હોય તેવુ લાગી રહ્યુ છે. અને આ ભેટ આપવાની જાહેરાત સરકાર થોડા સમયમાં કરી શકે છે.આગામી દિવસોમાં હોળી અને ધુળેટીનો તહેવાર આવી રહ્યો છે. અને આ તહેવાર પર કેન્દ્રિય કર્મચારીઓને સરકારની ભેટ મળી શકે છે. જેમાં સરકાર દ્વારા કેન્દ્રીય કર્મચારીઓના મોંઘવારી ભથ્થામાં વધારો કરી શકે છે. 

મોંઘવારી ભથ્થામાં વધારો કરવાનો નિર્ણય કરવામાં આવી શકે છે

આગામી એક માર્ચના રોજ સરકારની કેબિનેટ મળવાની છે. ત્યારે આ કેબિનેટમાં કેન્દ્રિય કર્મચારીઓના મોંઘવારી ભથ્થામાં વધારો કરવાનો નિર્ણય સરકાર દ્વારા કરવામાં આવી શકે છે. ઉલ્લેખનીય છે કે કર્મચારીઓ તેમના ડીએમાં વધારો આવવાની રાહ પણ જોઈ રહ્યાનું સામે આવ્યું છે. હાલ તો સરકારમાંથી મોંઘવારી ભથ્થુ વધારાવા માટે કોઈ સત્તાવાર નિવેદન કે જાહેરાત આવી નથી. અને જો સરકાર દ્વારા આ જાહેરાત કરવામાં આવે છે તો કર્મચારીઓને જાન્યુઆરી અને ફેબ્રુઆરીનું એરિયર્સ પણ મળી શકે છે.

કેટલા કર્મચારીઓને થશે લાભ?

સરકાર દ્વારા જો ટુંક સમયમાં આ જાહેરાત કરવામાં આવે છે તો લાખો કર્મચારીઓને લાભ થઈ શકે છે. મહત્વનું છે કે કર્મચારી સંગઠનની જો વાત કરીએ તો તેઓ ૪ % DA/DRની વધારાની આશા રાખી રહ્યા છે. સરકાર જો હોળી-ધુળેટીના તહેવાર પહેલા આ નિર્ણય કરી શકે છે તો અંદાજીત ૪૮ લાખ કેન્દ્રીય કર્મચારીઓને લાભ મળી શકે છે. જ્યારે આપણે પેન્શનરોની વાત કરીએ તો અંદાજીત ૬૩ લાખ પેન્શનરોને મળી શકે છે આ લાભ.

કેટલુ થશે મોંઘવારી ભથ્થુ?
જો સરકાર દ્વારા હોળી પહેલા કેન્દ્રિય કર્મચારીઓના મોઘવારી ભથ્થામાં વધારો કરવામા આવે છે તો તેમનું મોંઘવારી ભથ્થુ ૪૨ ટકા થઈ જશે. ઉલ્લેખનીય છે કે અત્યારે તેમનું મોંઘવારી ભથ્થુ ૩૮ ટકા છે. આપણે ગત વર્ષની વાત કરીએ તો સરકારે ગત વર્ષે ડીએમાં ચાર ટકાનો વધારો કર્યો હતો. અને ગત વર્ષે કરેલા વધારા બાદ તેમનું ડીએ ૩૮ ટકા થયુ હતુ. કેન્દ્રિય કર્મચારીના પગાર પર વાત કરીએ તો તેમનો મૂળ પગાર ૧૮૦૦૦ રૂપિયા છે. તેની સરખામણીએ ડીએ ૩૮ ટકાની રકમની વાત કરીએ તો ૬૮૪૦ રૂપિયા થાય છે.