દુશ્મનાવટ / દગાબાજ ડ્રેગન પર ભારતને જરાય ભરોસો નહીં, LAC ને લઈને મોદી સરકારે લઈ લીધો મોટો નિર્ણય

• LAC પર વિવાદ હજી યથાવત 
• ભારત હાલ કોઈ પણ પ્રકારે ઉતાવળ કરી રહ્યા નથી 
• ભારત અને ચીન વચ્ચે મોલ્ડામાં 12 મા રાઉન્ડની મંત્રણા થઈ

LAC પર વિવાદ હજી યથાવત 
પૂર્વ લદ્દાખમાં વાસ્તવિક નિયંત્રણ રેખા (LAC)પર ચીન સાથે ગયા વર્ષે શરૂ થયેલ સીમા વિવાદ હજી પણ યથાવત છે. પરંતુ બંને દેશો વચ્ચેનો તણાવ ઓછો કરવા માટે સહમતી દર્શાવી છે અને હાલમાં જ સૈન્ય કમાંડરની 12મી વખત વાર્તા પણ થઈ. વાતચીત દરમિયાન બંને દેશ ગોગ્રા પેટ્રોલિંગ પોઇન્ટ્સ પરથી સેના હટાવવા માટે તૈયાર થઈ ગયા છે. આ પછી પણ ભારતને ચીન પર ભરોસો નથી અને મોદી  સરકારે આ વિવાદનો અંત લાવવા માટે કોઇ પણ પ્રકારે ઉતાવળ કરવી જોઈએ નહીં.

ભારત હાલ કોઈ પણ પ્રકારે ઉતાવળ કરી રહ્યા નથી 
એક મીડિયા રિપોર્ટ અનુસાર, ચીનની છેલ્લી હરકતોને જોતાં મોદી સરકાર પૂર્વ લદ્દાખમાં ચીન સાથે લાંબી લડત લડવા માટે એકદમ તૈયાર છે. અરુણાચલ પ્રદેશમાં સાલ 1986માં પણ એક  વિવાદનો અંત લાવવામાં લગભગ 8 વર્ષનો સમય લાગ્યો હતો, આને જોતાં મોડી સરકાર પૂર્વ લદ્દાખમાં વર્તમાનમાં ભારતીય સ્થિતિને કમજોર કર્યા વિના સૈન્ય વાર્તાઓ કરવા માટે તૈયાર છે. આની સાથે જ ભારતીય સેનાના પૂર્વ ક્ષેત્ર પર નજર રાખીને બેઠા છે. એક વરિષ્ઠ અધિકારીએ કહ્યું કે "આ એક અંતહિન રાત છે"

ભારત અને ચીન વચ્ચે મોલ્ડામાં 12 મા રાઉન્ડની મંત્રણા થઈ
ભારત અને ચીન વચ્ચે મોલ્ડામાં 12 મા રાઉન્ડની મંત્રણા થઈ હતી. મોલ્ડા ચીનનો વિસ્તાર છે અને ત્યાં બન્ને દેશો વચ્ચે 31 જુલાઈએ મંત્રણા થઈ હતી જે પછી બન્ને દેશોએ ગોગરા હાઈટ્સ પરથી સૈનિકો પાછા હઠાવવાનો નિર્ણય લીધો છે. ગત વર્ષના મે મહિનાથી ગોગરા હાઈટ્સમાં બન્ને દેશોની સેના સામસામે છે. 2 જી ટોચની કમાન્ડર-સ્તરની મંત્રણામાં, બંને પક્ષોએ "બાકીના તણાવના સ્થળોમાં શાંતિ લાવવા, સૈનિકો પાછી ખેંચવાની પ્રક્રિયા સાથે આગળ વધવા અને જમીનના સ્તરે સંયુક્ત રીતે સ્થિરતા જાળવવા માટે ચર્ચા કરી છે." અગાઉની વાટાઘાટોમાં, ભારતીય પક્ષે વિવાદનો તાત્કાલિક ઉકેલ લાવવા અને ખાસ કરીને હોટ સ્પ્રિંગ અને ગોગરામાંથી સૈનિકોની વહેલી પરત ખેંચવાનો આગ્રહ કર્યો હતો. બંને પક્ષોએ આ વિસ્તારમાં તણાવ ઘટાડવાના વ્યાપક ઉદ્દેશ સાથે હોટ સ્પ્રિંગ, ગોગરા અને ડેપસંગમાં સૈનિકોને પાછા ખેંચવાની દિશામાં આગળ વધવાની રીતો પર ચર્ચા કરી. જે બાદ હવે એવા અહેવાલ મળ્યા છે કે ચીન ગોગરા હિલ્સમાંથી સેના પાછી ખેંચવા સંમત થયું છે.