તૈયારી / ચીનને ટક્કર આપવા માટે સરકાર બનાવી રહી છે આ ઉત્પાદનોની યાદી

•  કે ઉત્પાદનોનો રેટ અને ગુણવત્તાએ મુખ્ય મુદ્દો છે
• સરકારે 20 ટકા માલ ઘરેલુ લધુ અને સૂક્ષ્મ ઉદ્યોગો પાસેથી ખરીદવાનો નિર્ણય લીધો
•  જેમાં સરળતાથી પાણી અને વીજળીનું કનેક્શન મળશે

બેઠક બાદ સીટીઆઈના ચેરમેન બ્રૃજેશ ગોયલે જણાવ્યું કે વેપારીઓએ માર્કેટમાં ચીની ઉત્પાદનોની જમાવટને લઈને ચિંતા વ્યક્ત કરી. આ અંગે રવીન્દ્રસિંહે કહ્યું કે ઉત્પાદનોનો રેટ અને ગુણવત્તાએ મુખ્ય મુદ્દો છે. જેના પર આપણે ચીની ઉત્પાદનો સાથે સ્પર્ધા કરવાની છે. સરકારે 20 ટકા માલ ઘરેલુ લધુ અને સૂક્ષ્મ ઉદ્યોગો પાસેથી ખરીદવાનો નિર્ણય લીધો છે. આ ઉપરાંત સરકાર ઉદ્યોગપતિઓને ઈન્સેન્ટિવ આપવાનો વિચાર કરી રહી છે. નવી ઈન્ડસ્ટ્રી ક્લસ્ટર બનાવવા માટે ઈન્ફ્રાસ્ટ્રક્ચર બનાવવામાં આવશે. જેમાં સરળતાથી પાણી અને વીજળીનું કનેક્શન મળશે.

ગોયલના મતે સરકાર માને છે કે અચાનક ચીની સામાનોની આયાત બંધ કરવું અવ્યવહારુ છે. એથી સરકાર દિર્ધકાલીક યોજના પર કામ કરી રહી છે. ડીપીઆઇઆઇટીએ ખાતરી આપી છે કે સરકાર ચીની ઉત્પાદનોને ટક્કર આપવા સક્ષમ ભારતીય ઉત્પાદનોની ઓળખ કરી રહી છે. જેને પ્રમોટ કરવામાં આવશે. મોબાઈલ, કમ્પ્યુટર, રમકડા, કોસ્મેટિક, ફૂટવેર, ઇલેક્ટ્રોનિક અને માર્બલ ઉદ્યોગો સાથે સંકળાયેલા વ્યાપારિકોએ પણ પોતાના સૂચનો રવિન્દ્રસિંહની સામે મુક્યા હતા.