તમારા કામનું / આ મહિલાઓને ફ્રીમાં સિલાઈ મશીન આપી રહી છે મોદી સરકાર, આવી રીતે કરો અપ્લાઈ

• મહિલાઓના સ્વરોજગાર માટે સરકાર ઘણી અલગ અલગ યોજનાઓ ચલાવી રહી
• ફ્રી સિલાઈ મશીન યોજના દ્વારા સરકાર મહિલાઓની આર્થિક હાલતમાં સુધારો કરવા માંગે છે
• આ રાજ્યોમાં ચાલી રહી છે યોજના 

મહિલાઓના આત્મનિર્ભર અને સ્વરોજગાર માટે કેન્દ્ર અને રાજ્ય સરકાર ઘણી અલગ અલગ યોજનાઓ ચલાવી રહી છે અને એમાંથી જ એક એવી યોજના છે જેના દ્વારા મહિલાઓ તેના પગભર ઊભી થઈ શકે છે. એ યોજના છે ફ્રી સિલાઈ મશીન યોજના. આ યોજના દ્વારા સરકાર મહિલાઓની આર્થિક હાલતમાં સુધારો કરવા માંગે છે. સાથે જ સિલાઈ મશીન મેળવીને મહિલાઓ પોતાનો રોજગાર પણ શરૂ કરી શકે છે. આ યોજના દ્વારા ગામડાની અને શહેરની મહિલાનું જીવનસ્તર સુધારવાની પહેલ સરકારે કરી છે. ચાલો આ યોજનાથી જોડાયેલ વાતો, પાત્રતા અને કયા રાજ્યોમાં યોજના ચાલી રહી છે એ વિશે વિસ્તારપૂર્વક જણાવીએ.. 

ઉંમરની પાત્રતા 
આ યોજના ખાસ કરીને મહિલાઓ માટે બનાવવામાં આવી છે. આ યોજનાનો લાભ પુરુષોને મળી શકતો નથી. આ યોજના એક રાજ્યમાં 50,000 મહિલાઓ માટે બહાર પાડવામાં આવી છે. આ યોજનાનો લાભ ઉઠાવવા માટે મહિલાની ઉંમર 20 થી 40 વર્ષની વચ્ચે હોવી જરૂરી છે. 

કેવી રીતે કરવી અરજી 
આ યોજનાનો લાભ ગામ અને શહેર બંનેની મહિલાઓ ઉઠાવી શકે છે. આ માટે ઓનલાઈન રજીસ્ટ્રેશન પણ કરી શકાય છે. જો કોઈ મહિલા મફત સિલાઈ મશીન મેળવવા માંગે છે, તો તેણે પહેલા તેને સત્તાવાર વેબસાઇટ www.india.gov.in પર જવું પડશે. આ સરકારી વેબસાઈટ પર જઈને તમને ફ્રી સિલાઈ મશીનની લિંક મળી રહેશે. તેના પર ક્લિક કરીને તમે અરજી ફોર્મની પ્રિન્ટ કાઢી શકો છો. આ પછી ફોર્મ સાથે જરૂરી દસ્તાવેજો જોડો અને તેને તેની ઓફિસમાં સબમિટ કરો. ઓફિસમાં અધિકારીઓ દ્વારા તમારી અરજીની તપાસ કરવામાં આવશે. જો અરજીમાં આપેલી માહિતી સાચી હશે તો તમને સિલાઈ મશીન મફતમાં મળી શકે છે.

આ રાજ્યોમાં ચાલી રહી છે યોજના 
પીએમ ફ્રી સિલાઈ મશીન યોજના 2022 હાલમાં દેશના થોડા રાજ્યોમાં જ ચાલી રહી છે. જેમાં હરિયાણા, ગુજરાત, મહારાષ્ટ્ર, બિહાર, ઉત્તર પ્રદેશ, કર્ણાટક, રાજસ્થાન, મધ્યપ્રદેશ, છત્તીસગઢ જેવા રાજ્યો શામેલ છે. આ રાજ્યોની મહિલાઓ હાલ આ યોજનાનો લાભ લઈ શકે છે.

કોને મળશે ફ્રીમાં સિલાઈ મશીન 
યોજના માટે આવેદન કરનાર મહિલા ભારત દેશની રહેવાસી હોવી જોઈએ 
ફક્ત આર્થિક રીતે નબળી મહિલાઓ આ યોજનાનો લાભ ઉઠાવી શકે છે 

જરૂરી ડોક્યુમેન્ટ્સ 
આધાર કાર્ડ 
જન્મનો દાખલો 
આવકનું પ્રમાણપત્ર 
મોબાઈલ નંબર 
પાસપોર્ટ સાઈઝનો ફોટો