BIG BREAKING / સોનું ખરીદવું થઈ જશે મોંઘું: મોદી સરકારે એકઝાટકે લીધો મોટો નિર્ણય

• સોનાની વધતી આયાતને રોકવા માટે મોદી સરકારે લીધા મોટો નિર્ણય 
• સરકારે સોના પરની ઈમ્પોર્ટ ડ્યુટી  7.5 ટકાથી વધારીને 12.50 ટકા કરી છે.
• મે મહિનામાં 107 ટન સોનાની આયાત કરવામાં આવી હતી

સરકારે સોના પરની ઈમ્પોર્ટ ડ્યુટી  7.5 ટકાથી વધારીને 12.50 ટકા કરી છે. જેને લઈને સોનું મોંઘુ થયું છે. હકીકતમાં, સોનાની વધતી આયાતને રોકવા માટે સરકારે સોના પરની આયાત જકાત વધારવાનો નિર્ણય લીધો છે.મહત્વનું છે કે, સોનાની વધતી આયાતને કારણે કરન્સી માર્કેટમાં ડોલર સામે રૂપિયા પર દબાણ જોવા મળી રહ્યું છે.

મે મહિનામાં 107 ટન સોનાની આયાત કરવામાં આવી હતી

નાણા મંત્રાલયે પોતાના નિવેદનમાં કહ્યું કે સોનાની આયાતમાં અચાનક જ મોટો ઉછાળો આવ્યો છે. મે 2022માં માત્ર 107 ટન સોનાની આયાત કરવામાં આવી છે. જૂન મહિનામાં પણ સોનાની જબરદસ્ત આયાત થઈ છે. મંત્રાલયના જણાવ્યા અનુસાર સોનાની આયાતમાં વધારાને કારણે ચાલુ ખાતા ખોટનું પર દબાણ વધી રહ્યું છે. આ જ કારણ છે કે સરકારે સોના પર આયાત ડ્યુટી વધારવાનો નિર્ણય લેવો પડ્યો છે.