તમારા કામનું / ફરી એક વખત સસ્તુ સોનુ આપશે મોદી સરકાર, જાણો ક્યારથી શરૂ થશે સોવરિન ગોલ્ડ બોન્ડ યોજના

• ફરી ખરીદી શકાશે સસ્તુ સોનું 
• મોદી સરકારે શરૂ કરી યોજના 
• જાણો ક્યારથી ખરીદી શકાશે 

જો તમે પણ સસ્તું સોનું ખરીદવાનું વિચારી રહ્યા છો, તો મોદી સરકાર તમારા માટે એક શાનદાર ઓફર લઈને આવી છે. જી હા રિઝર્વ બેંક ઓફ ઈન્ડિયા (RBI) દ્વારા સરકારી ગોલ્ડ બોન્ડ સ્કીમ ફરી શરૂ કરવામાં આવવાની છે. આરબીઆઈ સરકારી ગોલ્ડ બોન્ડ યોજના બે તબક્કામાં જારી કરશે. રોકાણની યોજના ડિસેમ્બર અને માર્ચમાં ખોલવામાં આવશે.

19 થી 23 ડિસેમ્બર સુધી રોકાણ કરવાની તક
નાણા મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે સરકારી ગોલ્ડ બોન્ડ (SGB) યોજના પ્રથમ તબક્કા હેઠળ 19 થી 23 ડિસેમ્બર સુધી ખુલ્લી રહેશે. બીજા તબક્કામાં રોકાણકારોને 6 થી 10 માર્ચ સુધી તક મળશે. 

RBI ભારત સરકાર વતી બોન્ડ જારી કરશે. ગોલ્ડ બોન્ડનું વેચાણ સ્મોલ ફાઈનાન્સ બેંકો, પેમેન્ટ બેંકો અને પ્રાદેશિક ગ્રામીણ બેંકોને છોડીને સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, ક્લિયરિંગ કોર્પોરેશન ઓફ ઈન્ડિયા લિમિટેડ, પસંદગીની પોસ્ટ ઓફિસો અને બીએસઈ અને નેશનલ સ્ટોક એક્સચેન્જ દ્વારા કરવામાં આવશે.  

4 કિલો ખરીદીની મર્યાદા
મંત્રાલય દ્વારા કહેવામાં આવ્યું હતું કે ગોલ્ડ બોન્ડનો કાર્યકાળ આઠ વર્ષનો છે. પાંચ વર્ષ પથી તેમાં વ્યાજ ચુકવવાની તારીખનો સમય પહેલા જ રિડમ્પશનની સુવિધા છે. રોકાણકારોને તેમાં છ મહિનાના આધાર પર 2.50 ટકા વાર્ષિક વ્યાજ મળે છે. એક રોકાણકાર વધુમાં વધુ ચાર કિલોગ્રામ સુધી ખરીદી કરી શકે છે. 

હિંદુ અવિભાજિત પરિવાર (HUF) માટે 4 કિગ્રા અને સંસ્થાઓ માટે 20 કિગ્રા પ્રતિ નાણાકીય વર્ષની મર્યાદા છે. ગોલ્ડ બોન્ડ સ્કીમ સૌપ્રથમ નવેમ્બર 2015માં સોનાની ભૌતિક માંગ ઘટાડવા અને રોકાણના હેતુ માટે રજૂ કરવામાં આવી હતી. આ પછી સ્કીમને રોકાણકારો તરફથી સારો પ્રતિસાદ મળી રહ્યો છે.