મોદી સરકાર GST બિલના આધાર પર સામાન્ય લોકોને 1 કરોડ રૂપિયા જીતવાની તક આપી રહી છે. સરકારના આ પ્રોગ્રામ હેઠળ ત્રણ લકી લોકોને ઇનામ આપવામાં આવશે.
સરકાર GSTમાં હેરાફેરી રોકવાના ઉપાયો હેઠળ જીએસટી વ્યવસ્થા હેઠળ એક એપ્રિલથી એક એવી લૉટરી શરૂઆત કરવાની યોજના બનાવી રહી છે. જેમાં દર મહિને દુકાનદાર અને ખરીદારની વચ્ચે કરારના દરેક બિલને લકી ડ્રૉ માં સામેલ કરવામાં આવશે, એક અધિકારીએ જણાવ્યું કે આ લૉટરીમાં ગ્રાહકોને એક કરોડ રૂપિયા સુધીનું ઇનામ મળી શકે છે.
રસીદની રકમની કોઈ સીમા નથી
અધિકારીના જણાવ્યા પ્રમાણે લોટરી યોજના ગ્રાહકોને દુકાનોમાં દરેક ખરીદીના બિલ કે રસીદ માંગવા માટે પ્રોત્સાહિત કરવા માટે વિચારવામાં આવી છે. આનાથી જીએસટીની ચોરી રોકવામાં મદદ મળશે. અધિકારીનું કહેવું છે કે, લોટરીમાં ભાગ લીધા બાદ એવી કોઈ જ સીમા નહીં હોય કે રસીદની ન્યૂનતમ કે અધિકતમ કોઈ રકમ નક્કી કરી હોય.
ત્રણ લકી લોકોને મળશે ઈનામ
લોટરીમાં એક પ્રથમ વિજેતા પસંદ કરવામાં આવશે જેને મોટું ઈનામ મળશે. રાજ્યોના સ્તર ઉપર બીજા અને ત્રીજા નંબરે વિજેતા પસંદ કરવામાં આવશે. આમાં ભાગ લેવા માટે ઉપભોક્તાઓને કોઈપણ ખરીદીની રસીદ સ્કેન કરીને અપલોડ કરવાની રહેશે. જીએસટી નેટવર્ક આ માટે એક મોબાઈલ એપ વિકસિત કરી રહી છે. આ એપ મહિનાના અંત સુધી એડ્રોઈડ અને એપલના ઉપભોક્તાઓ માટે ઉપલબ્ધ કરાવવામાં આવશે.
કેન્દ્રીય અપ્રત્યક્ષ કર એવમ સીમાશુલ્ક બોર્ડ (CBIC)ના એક અધિકારીએ ગત મહિને કહ્યું હતું કે, આ લોટરીમાં લાખ રૂપિયાથી એક કરોડ રૂપિયા સુધીના ઈનામ રાખવામાં આવી શકે છે. જીએસટી પરિષદ આ યોજના ઉપર 14 માર્ચે બેઠક પોતાનો અભિપ્રાય આપી શકે છે.આ લોટરીના પૈસા નફાખોરીના મામલામાં દંડથી આવશે. જીએસટી કાયદામાં નફાખોરી વિરુદ્ધ કાર્યવાહીની જોગવાહી છે. આમાં દંડના પૈસા ઉપભોક્તા કલ્યાણ કોષમાં રાખવામાં આવે છે.