Saturday, July 20, 2019
સબસ્ક્રાઈબ કરો VTVGujarati ન્યુઝ Whatsapp

વેપાર / Exit Pollના પરિણામોને સેન્સેક્સની સલામ, 750 અંકથી વધુનો ઉછાળ

Exit Pollના પરિણામોને સેન્સેક્સની સલામ, 750 અંકથી વધુનો ઉછાળ

એક્ઝિટ પોલમાં એકવાર ફરી બીજેપી-એનડીએની ભારે જીત અને મોદી સરકાર બનાવાની સંભાવના વચ્ચે શેર બજારમાં ભારે ઉછાળ જોવા મળ્યો. સોમવારે શરૂઆતમાં સેન્સેક્સ 750 અંકોથી વધારે અને નિફ્ટમાં 200 અંકોથી વધારેનો ઉછાળ જોવા મળ્યો. 

જાણકારોનું માનવું છે કે કેન્દ્રમાં સ્થિર સરકાર બનાવવાની સંભાવનાથી શેર બજાર ખુશી વહેંચશે. બીજેપીને પૂર્ણ બહુમત મેળવવાની સંભાવનાથી બજારમાં ઉત્સાહ હજુ વધશે.

રિટેલ રિસર્ચ હેડ દીપક જસાનીએ કહ્યું, મોટાભાગના એક્ઝિટ પોલે લોકસભા ચૂંટણીમાં સારા માર્જિન સાથે એનડીએની જીતનું અનુમાન લગાવ્યું છે. ગત કેટલાક દિવસોમાં બજારમાં તેના સંકેત મળી રહ્યા છે. બીજેપી જો આપમેળે બહુમત મેળવે છે તો તેનાથી બજારમાં ઉત્સાહ જળવાઇ રહેશે. 

જોકે શેર બજાર રોકાણકારોને એ પણ જાણે છે કે ઘણીવાર એક્ઝિટ પોલ ખોટા પણ પડતા હોય છે. જસાની અનુસાર બજાર એક મજબૂત સરકાર જોવા માંગે છે. પરંતુ લોકો 23 મે સુધી વાસ્તવિક પરિણામો માટે રાહ જોવા ઇચ્છી રહ્યા છે. 

જસાનીએ કહ્યું કે, એ જોતા કે ગત બે ચૂંટણીના એક્ઝિટ પોલના પરિણામો વાસ્તવિક પરિણામો અનુરૂપ રહ્યા નહોતા. તેથી બજાર ઉત્સાહિત છે પરંતુ વધારે નહીં. 

સેમકો સિક્યૂરીટીઝ એન્ડ સ્ટોકનોટના ફાઉન્ડર અને સીઇઓ જિમીત મોદીએ કહ્યું,  સતર્કતા બાદ પણ શેર બજારમાં ઘણો ઉત્સાહ છે. અને રોકાણકારોને આ સપ્તાહે ઉત્સાહભર્યો રહેશે, આ સપ્તાહ સૌથી ઘટના પ્રધાન રહેશે.

આ ઉપરાંત મુખ્ય કંપનીઓના ફોર્થ ક્વાર્ટર પરિણામ, આંતરાષ્ટ્રીય બજારના સંકેતો,  ડોલર સામે રૂપિયાની ચાલ અને ક્રૂડ ઓઇલનો ભાવ પર બજારની નજર બની રહેશે. રોકાણકારોની નજર વિદેશી પોર્ટફોલિયો રોકાણકારો-એફપીઆઇ અને ઘરેલૂ સંસ્થાગત રોકાણકારો-ડીઆઇઆઇ પર રહેશે. 

સપ્તાહની શરૂઆતમાં સોમવારે ભારત પેટ્રોલિયમ કોર્પોરેશન, હિન્દુસ્તાન પેટ્રોલિયમ કોર્પોરેશન અને ટાટા મોટર્સ ગત નાણાકીય વર્ષના ફોર્થ ક્વાર્ટરના પરિણામ જાહેર કરશે. બાદમાં મંગળવારે અન્ય કંપનીઓના પણ પરિણામ આવી શકે છે. 

આપને જણાવીએ કે સપ્તાહનો  સેન્સેક્સ 467.78 પોઇન્ટ એટલે કે 1.24 ટકા ઉપર રહ્યો. શુક્રવારે સેન્સેક્સ 537.29 પોઇન્ટ એટલે કે 1.44 ટકા સાથે 37,930 અંક પર પહોંચ્યો હતો. નેશનલ સ્ટોક એક્સચેન્ઝનો નિફ્ટી પણ 150.05 પોઇન્ટ અને 1.33 ટકાના વધારા સાથે 11407 પોઇન્ટ પર બંધ રહ્યો. 

જોવા જેવું વધુ જુઓ

બ્રેકિંગ ન્યૂઝ