વખાણ / રશિયા અને યૂક્રેન વચ્ચે સમાધાન કરાવવામાં PM મોદી મોટી ભૂમિકા ભજવી શકે- ફ્રાન્સ પત્રકાર

• ફ્રાન્સના પત્રકાર લૌરા હાઈમનું નિવેદન
• રશિયા અને યૂક્રેન યુદ્ધનો અંત લાવવા પીએમ મોદી ભજવી શકે ભૂમિકા
• રશિયામાં પીએમ મોદીની છાપ ઘણી સારી 

યુક્રેન અને રશિયા વચ્ચે ચાલી રહેલા યુદ્ધનો મુદ્દો દુનિયાભરમાં ચર્ચાનો વિષય બનેલો છે. ખાસ કરીને પશ્ચિમી દેશો માટે આ યુદ્ધ મુશ્કેલીનું કારણ બની રહ્યું છે. યુદ્ધનો અંત લાવવાનો કોઈ રસ્તો નથી. પરંતુ આ બધાની વચ્ચે ફ્રાન્સના એક જાણીતા પત્રકારે મોટું નિવેદન આપતા કહ્યું છે કે, પ્રધાનમંત્રી મોદી એવા વ્યક્તિ છે જે બે લડતા પાડોશીઓ વચ્ચે સમાધાન કરાવવા માટે મહત્વની ભૂમિકા ભજવી શકે છે. 

રશિયામાં પીએમ મોદીની છાપ ઘણી સારી
ફ્રાન્સના પત્રકાર લૌરા હાઈમે કહ્યું કે રશિયામાં પીએમ મોદીની છાપ ઘણી સારી છે. આ યુદ્ધને રોકવા માટે પીએમ મોદી રાષ્ટ્રપતિ પુતિન સાથે વાત કરી શકે છે. હાઇમે જણાવ્યું હતું કે આ સમયે તે ખૂબ મુશ્કેલ લાગે છે કારણ કે યુક્રેન ચર્ચા કરવા માંગતું નથી અને ઇચ્છે છે કે આંતરરાષ્ટ્રીય કોર્ટ ઓફ જસ્ટિસ (આઇસીજે) રશિયન રાષ્ટ્રપતિ વ્લાદિમીર પુતિનની સામે કાર્યવાહી કરે. તેમણે કહ્યું કે નવાઈની વાત તો એ છે કે અમેરિકામાં લોકો રશિયા-યુક્રેન યુદ્ધની વાત જ નથી કરી રહ્યાં છે. 

યુક્રેનના લોકો ખૂબ હિંમતવાન 
ફ્રાન્સના પત્રકારે એવું પણ કહ્યું કે યુક્રેનમાં યુદ્ધ લાંબા સમય સુધી ચાલવાનું છે. યુરોપથી આવ્યા પછી અમેરિકામાં શું થઈ રહ્યું છે તે જોવા માટે હું અવાચક છું. લોકો રાષ્ટ્રપતિ, દસ્તાવેજ અને ડોનાલ્ડ ટ્રમ્પ વિશે વાત કરી રહ્યા છે. અને જ્યારે તમે યુરોપમાં હોવ ત્યારે અમે ફક્ત યુદ્ધ અને શું ચાલી રહ્યું છે તે વિશે જ વાત કરીએ છીએ. યુક્રેનમાં શું થવાનું છે તે કોઈને ખબર નથી. રશિયા સંભવતઃ એક નવી ગતિશીલતા બનાવવાનો પ્રયાસ કરવા જઈ રહ્યું છે, કદાચ તે કિવ પર વધુ હુમલો કરવા માંગે છે. યુક્રેનના લોકો અત્યંત હિંમતવાન છે. તેઓ પશ્ચિમને તેમની મદદ કરવા માટે કહી રહ્યા છે.