રોજગારને પ્રોત્સાહન આપવા માટે કેન્દ્રીય કેબિનેટે Production Linked Incentive ની યોજનાને મંજૂરી આપી છે, કેન્દ્રીય મંત્રી રવિશંકર પસાદે આ અંગેની જાણકારી આપી હતી.
મોદી કેબિનેટે કર્યા મહત્વના નિર્ણયો
Production Linked Incentive યોજનાને આપી મંજૂરી
જુવેનાઇલ જસ્ટિસ એક્ટમાં સંશોધનને આપી મંજૂરી
એક નિવેદનમાં કેન્દ્રીય આઇટી મિનિસ્ટર રવિશંકર પ્રસાદે કહ્યું હતું કે આત્મનિર્ભર ભારતની યોજનામાં ભારત એક મેન્યુફેક્ચરિંગ હબ બને તેવી આપણા સૌની કોશિશ છે.'
જુવેનાઇલ જસ્ટિસ એક્ટ 2015માં સંશોધનને અપાઈ મંજૂરી
જો કે મોદી કેબિનેટના એક અન્ય નિર્ણયમાં બુધવારે જુવેનાઇલ જસ્ટિસ કેર એન્ડ પ્રોટેક્શન એક્ટ 2015માં સંશોધનની મંજૂરી આપવામાં આવી હતી, જેના પછી હવે દરેક જિલ્લામાં જિલ્લા મેજિસ્ટ્રેટને આ સત્તા આપવામાં આવશે જેમાં જે પણ એજન્સી આ કાયદાના મોનીટરીંગ માટે જવાબદાર હશે, તેનું તે સુપરવિઝન કરી શકશે. કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ આ મામલે એક પ્રેસ બ્રિફિંગ દરમિયાન આ જાણકારી આપી હતી.
પીએલઆઇ યોજનાને મંજૂરી અપાઈ
આ સાથે જ દેશમાં રોજગાર નિર્માણની પ્રક્રિયાને પ્રોત્સાહન આપવા માટે કેન્દ્રીય કેબિનેટે Production Linked Incentive યોજનાને મંજૂરી આપી હતી, કેન્દ્રીય મંત્રી પ્રસાદે કહ્યું હતું કે આ યોજનાનો મતલબ છે, અહીં આવીને પહેલા ઉદ્યોગ લગાવો, પછી મેન્યુફેક્ચરિંગ શરુ કરો, પછી નિકાસ કરો, રોજગાર વધારો અને પછી ઈન્સેન્ટિવ લો.'
40 હજાર લોકોને મળશે રોજગાર
કેન્દ્રીય મંત્રી રવિશંકર પ્રસાદે માહિતી આપતા કહ્યું હતું કે આ યોજના 12195 કરોડ રૂપિયાની છે, 2,44,200 કરોડ રૂપિયાનું આગળના પાંચ વર્ષોમાં પ્રોડક્શન થવાની આશા છે, જેનાથી લગભગ 40 હજાર લોકોને રોજગાર મળશે.
આ ઉપરાંત કેન્દ્રીય મંત્રીએ દાવો કરતા કહ્યું હતું કે કોરોના દરમિયાન પણ ભારત અને દુનિયાની ઘણી કંપનીઓએ 10 લાખ કરોડ રૂપિયાના ફોન બનાવવાનો દાવો કર્યો છે, 7 લાખ કરોડના નિકાસનું પ્રાવધાન નક્કી કર્યું, અને 8 લાખ લોકોને રોજગાર આપવાની વાત કહી હતી, આજે લગભગ 34 હજાર કરોડ રૂપિયાનું ઇન્વેસ્ટમેન્ટ થઇ ચૂક્યું છે.
મોરિશિયસની સાથે થયો છે એગ્રીમેન્ટ
જ્યારે કે કેન્દ્રીય મંત્રી પ્રકાશ જાવડેકરે કહ્યું હતું કે પહેલી વાર એક કોમ્પ્રેહેન્સિવ ઇકોનોમિક કોઓપરેશન એન્ડ પાર્ટનરશીપ એગ્રીમેન્ટ મૉરીશિયસની સાથે થયું છે જેમાં 110 આઇટમ્સ ભારત મોરિશિયસને નિકાસ કરશે અને ત્યાંથી 615 વસ્તુઓ મંગાવવામાં આવશે. જેનાથી બંને દેશો વચ્ચે ટ્રેડ વધુ વધશે.