PM મોદીની અધ્યક્ષતામાં બુધવારે થયેલ કેબિનેટ બેઠકમાં ઘણા બધા મુદ્દે નિર્ણયો લેવામાં આવ્યા હતા.
ન્યાય અને શિક્ષાને લઈ બે મોટા નિર્ણય લેવામાં આવ્યા
2.95 લાખ કરોડની આ બે મોટી યોજનાઓને મંજૂરી
કેન્દ્રીય મંત્રી અનુરાગ ઠાકુરે અને ધર્મેન્દ્ર પ્રધાને આપી માહિતી
ન્યાય અને શિક્ષાને લઈ બે મોટા નિર્ણય લેવામાં આવ્યા
PM મોદીની અધ્યક્ષતામાં બુધવારે થયેલ કેબિનેટ બેઠકમાં ઘણા બધા મુદ્દે નિર્ણયો લેવામાં આવ્યા હતા. જેમાં ન્યાય અને શિક્ષાને લઈ બે મોટા નિર્ણય લેવામાં આવ્યા. આ ઉપરાંત ઘણા મહત્વના મુદ્દે ચર્ચા પણ કરવામાં આવી. મિટિંગ બાદ કેન્દ્રીય સૂચના અને પ્રસારણ મંત્રી અનુરાગ ઠાકુર અને કેન્દ્રીય શિક્ષા મંત્રી ધર્મેન્દ્રએ પ્રેસ કોનફેરેન્સ દ્વારા આ મહત્વના નિર્ણય વિશે જાણકારી આપી હતી. મીડિયા બ્રીફ સમયે કેન્દ્રીય મંત્રી અન્નપૂર્ણ દેવી અને કેન્દ્રીય સૂચના અને પ્રસારણ રાજ્ય મંત્રી એલ મુરગન પણ સાથે હતા.
કેન્દ્રીય મંત્રી અનુરાગ ઠાકુરે અને ધર્મેન્દ્ર પ્રધાને આપી માહિતી
કેન્દ્રીય મંત્રી અનુરાગ ઠાકુરે કહ્યું કે મહિલાઓ અને બાળકો સાથે યૌન શોષણ થવા પર ફાસ્ટ ટ્રેક કોર્ટની મંજૂરી આપવામાં આવી છે. ખાસ કરીને દુષ્કર્મના મામલે પીડિતોને ઝડપથી ન્યાય મળશે. તેમણે કહ્યું કે દેશમાં લગભગ 1023 ફાસ્ટ ટ્રેક કોર્ટ છે, જે નિતમિત રીતે ચાલુ છે. જેમાંથી 389 પોકસો કોર્ટ છે, જે પોકસો એક્ટ અંતર્ગત આવેલ ફરિયાદની સુનાવણી કરી હતી. વધુમાં તેમણે કહ્યું કે 2019 માં આ યોજના બહાર પાડવામાં આવી હતી. આ યોજનામાં 1572.86 કરોડ રૂપિયા ખર્ચ થશે. જેમાંથી 971.70 કરોડ રૂપિયા કેન્દ્ર સરકાર ભોગવશે અને બાકી રહેલ 601.16 કરોડ રૂપિયા રાજ્ય સરકાર ખર્ચ કરશે.
2.95 લાખ કરોડની આ બે મોટી યોજનાઓને મંજૂરી
કેન્દ્રીય મંત્રી ધર્મેન્દ્ર પ્રધાને કહ્યું કે 2.94 લાખ કરોડ રૂપિયા સમગ્ર શિક્ષા-2 યોજના પાછળ ફાળવવામાં આવ્યા છે. આ યોજના અંતર્ગત શિક્ષામાં અભિનવ પ્રયોગોને આવરી લેવામાં આવ્યા છે. આવનાર સમયમાં નાના બાળકો માટે સરકારી સ્કૂલોમાં પણ પ્લે સ્કૂલ શરૂ કરવાની વાત કરવામાં આવી છે. જેમાં 3 વર્ષના બાળકો રમતા રમતા ભણશે.