કોરોના વેક્સીન / અમેરિકાની કંપની Modernaએ વેક્સીનના ઈમરજન્સી ઉપયોગની માંગી મંજૂરી, 2020ના અંત સુધીમાં તૈયાર કરશે આટલા ડોઝ

• મોર્ડનાએ માંગી મંજૂરી
• વેક્સીનના ઈમરજન્સી ઉપયોગની માંગી મંજૂરી
• 2020ના અંત સુધી 5 કરોડ ડોઝ તૈયાર કરવાની આશા
   

અમેરિકાની દવા કંપની મોર્ડનાએ પોતાની કોરોના વેક્સીનને 94.1 ટકા પ્રભાવી હોવાનુ ગણાવ્યા બાદ યૂએસ એફડીએ અને યૂરોપીયન મેડિસિન એજન્સીની સાથે શરતી સ્વીકૃતિને માટે ઈમરજન્સી ઉપયોગ કરવાની મંજૂરી માંગી છે. મોર્ડનાની એમઆારએનએ આધારિત વેક્સીન 94.5 ટકા કારગર સાબિત થઈ છે. સામાન્ય રીતે એક મહિના માટે તે 02 થી 08 ડિગ્રી સેલ્સિયસ તાપમાને સ્ટોર કરી શકાય છે. લાંબા સમય માટે ઓછા તાપમાનની જરૂર રહે છે. કંપનીને આશા છે કે તે 2020ના અંત સુધીમાં 5 કરોડનું ઉત્પાદન કરવાની આશા છે. 

Moderna to request an Emergency Use Authorization from the U.S. FDA & conditional approval from the European Medicines Agency after its COVID19 vaccine 94.1% effective: Statement pic.twitter.com/7SBvtBkccw

— ANI (@ANI) November 30, 2020

મોર્ડનાની રસી 94.5 ટકા પ્રભાવિત

કંપનીએ એક અધ્યયનના આધારે કહ્યું કે પ્રારંભિક આંકડા અનુસાર તેનો કોરોના વાયરસ વિરોધી વેક્સીન 94. 5 ટકા પ્રભાવી છે. આ પહેલાં કંપની ફાઈઝરે પણ પોતાની વેક્સીનની જાહેરાત કરી હતી. આ સાથે બંને કંપનીઓએ અમેરિકામાં વેક્સીનના ઈમરજન્સી ઉપયોગની મંજૂરી માંગી હતી. આ દિશામાં બંને કંપનીઓ કામ કરી રહી છે. 
 

બંને કંપનીઓના પરિણામ સારા

મોર્ડનાના અધ્યક્ષ ડોક્ટર સ્ટીફન હોડે કહ્યું કે બંને કંપનીઓ સમાન પરિણામ આપી રહી છે અને તે વિશ્વસનીય છે. તેઓએ કહ્યું કે તેનાથી અમને બધાને આશા છે અને સાથે આ વેક્સીન મહામારી સામે લડવામાં સફળ થવા જઈ રહી છે.