મોટા સમાચાર / કોરોનાની ત્રીજી લહેર પહેલા ખુશખબર, આ રસી 12થી 17 વર્ષના બાળકો પર અસરકારક

•  રસીનો પહેલો ડોઝ 2 અઠવાડીયા બાદ 93 ટકા અસરકારક રહી
• કંપનીએ 12થી 17 વર્ષના 3700 બાળકો પર અધ્યયન કર્યુ
• 6 મહિનાના બાળકો માટે રસી પરિક્ષણ

 રસીનો પહેલો ડોઝ 2 અઠવાડીયા બાદ 93 ટકા અસરકારક રહી

કોરોના વાયરસની લહેરની વચ્ચે રસીને લઈને સારા સમાચાર મળ્યા છે. રસી બનાવનારી કંપની મોર્ડનાએ મંગળવારે દાવો કર્યો કે તેની કોરોના વિરોધી રહી વયસ્કોની સાથે બાળકો પર પણ અસરકારક છે. જે 12 વર્ષના થઈ ચૂક્યા છે. અમેરિકામાં આ રસી બાળકોને સંક્રમણથી દૂર રાખવાનો વિકલ્પ બનાવી શકે છે. અધ્યયનમાં જોવા મળ્યું કે આ રસીનો પહેલો ડોઝ 2 અઠવાડીયા બાદ 93 ટકા અસરકારક રહી.

કંપનીએ 12થી 17 વર્ષના 3700 બાળકો પર અધ્યયન કર્યુ

અમેરિકા અને કેનેડાએ આ મહિનાની શરુઆતમાં ફાયઝર અને બાયોએનટેકની રસીને 12 વર્ષથી વધારે ઉંમરના બાળકોને આપવાની મંજૂરી આપી હતી. મોર્ડના આ મંજૂરીને લઈને લાઈનમાં છે. આ દવા કંપનીએ કહ્યુ કે આ આવનારા મહિનાની શરુઆતમાં કિશોરો સાથે સંબંધિત પોતાના આંકડાને અમેરિકન ફુડ એન્ડ ડ્રગ્સ એડમિનિસ્ટ્રેશન તથા અન્ય વૈશ્વિક નિયામકોને સોંપશે. કંપનીએ 12થી 17 વર્ષના 3700 બાળકો પર અધ્યયન કર્યુ છે.

બાળકો અને વયસ્કો પર એક જેવી અસર

શરુઆતના પરિણામમાં ખબર પડી કે રસી વયસ્કોની જેમ કિશોરોના પ્રતિરોધક તંત્રની સુરક્ષા પર કામ કરે છે. રસીકરણ બાદ હાથના બાજુમાં, માથાનો દુઃખાવો અને થાક જેવા સમાન આડઅસર જોવા મળી છે. અધ્યયનમાં જોવા મળ્યું કે કે મોર્ડના રસીના 2 ડોઝ લેનારામાં સંક્રમણ જોવા નથી મળતુ. જ્યારે જે બાળકોમાં ડમી રસી લગાવવામાં આવી હતી તેમાંથી 4 કોરોના ગ્રસ્ત થયા છે.

અમેરિકામાં 14 ટકા બાળકો કોરોનાગ્રસ્ત

વયસ્કોની સરખામણીમાં બાળકોમાં કોરોનાથી ગંભીર રુપથી બિમાર પડવાનું જોખમ ઘણું ઓછુ છે. પરંતુ તે અમેરિકાના કારોના મામલાના 14 ટકાનું પ્રતિનિધિત્વ કરે છે. અમેરિકન એકેડમી ઓફ પિડિયાટ્રિક્સના આંકડા મુજબ એકલા અમેરિકામાં ઓછામાં ઓછા 316 બાળકોના મોત થયા છે.

6 મહિનાના બાળકો માટે રસી પરિક્ષણ

ફાઈઝર અને મોર્ડના બન્ને 11 વર્ષથી લઈને 6 મહિના સુધીના બાળકોમાં રસીકરણના પરિક્ષણ શરુ કર્યુ છે. નિયામક પાસેથી મંજૂરી મળ્યા બાદ અમેરિકામાં મોટી સંખ્યામાં કિશોર ફાઈઝરની રસી લગાવવા માટે રસીકરણ કેન્દ્ર પહોંચી રહ્યા છે.  પ્રયાસ એ છે કે આ શૈક્ષણિક સત્રની પહેલા વધારેમાં વધારે કિશોરોનું મોટી સંખ્યામાં રસીકરણ કરાશે.