Coronavirus / મોર્ડના કંપનીએ જાહેર કરી વેક્સીનની કિંમત, સરકારે 1 વેક્સીનની ચૂકવવી પડી શકે છે મોટી રકમ

• મોર્ડનાની વેક્સીન 94.5 ટકા પ્રભાવી
• વેક્સીનના ડોઝ માટેની કિંમત 2744 રૂપિયાની આસપાસ
• ભારત વેક્સીન માટે કરી રહ્યું છે સંપર્ક

મોર્ડના કંપનીના ચીફ એક્ઝીક્યૂટિવ ઓફિસર સ્ટીફન બૈંસેલે એક ઈન્ટરવ્યૂમાં કહ્યું કે વેક્સીનની કિંમત તેના ઓર્ડરના પ્રમાણ પર નક્કી કરાશે. મોર્ડનાએ બનાવેલી વેક્સીનની કિંમત સામાન્ય ફ્લૂ વેક્સીનના શોટના મૂલ્ય સમાન હશે. આ 10થી 50 ડોલરની વચ્ચે રહેશે. 

વેક્સીનને લઈને કોઈ ડીલ નથી થઈ ફાઈનલ

મોર્ડનાની સાથે યૂરોપીય સંઘની વાતચીત ચાલી રહી છે. તેઓએ કહ્યું કે અમે વેક્સીનની નજીક છે. હજુ સુધી કોઈ ડીલ કરાઈ નથી પણ અમે વેક્સીનની નજીક છીએ. કોરોનાની વિરુદ્ધ તેની વેક્સીન તૈયાર થશે તે 94.5 ટકા પ્રભાવી રહેશે. 
 

આ કંપનીઓની વેક્સીન પણ ઝડપથી આવે તેવી શક્યતા

મોર્ડના સિવાય ફાઈઝર વેક્સીન પણ 90 ટકા પ્રભાવી રહી છે. આ સાથે ભારતની બાયોટેક કંપનીની કોવૈક્સીન 60 ટકા અસરકારક હોવાનું માનવામાં આવી રહ્યું છે. મોર્ડનાની વેક્સીન અંતિમ ચરણમાં છે અને જલ્દી જ આવે તેવી શક્યતાઓ પણ છે. મોર્ડનાએ કોવ નામે રિસર્ચ કર્યું છે અને સાથે વેક્સીન જાન્યુઆરીની શરૂઆતમાં આવશે તેવી શક્યતાઓ રાખી છે. જેથી લોકોને ઝડપથી રાહત મળે.