અમેરિકી કંપની મોડર્નાએ જાહેરાત કરી છે કે તેની વેક્સિન કિશોરો માટે અત્યંત અસરકારક છે. ભારતમાં સિંગલ ડોઝ વેક્સિન લોન્ચ કરવાનો પણ કંપનીનો પ્લાન છે.
અમેરિકાની દિગ્ગજ કંપની મોડર્નાની જાહેરાત
ભારતમાં સિંગલ ડોઝ લોન્ચ કરવાનો કંપનીનો પ્લાન
મોડર્નાની વેક્સિન કિશોરો માટે અત્યંત પ્રભાવી હોવાનો દાવો
મોડર્નાની આ જાહેરાત ઘણી રાહતરુપ છે કારણ કે હાલમાં ભારતમાં કોરોનાના બન્ને ડોઝ લેવા પડે છે. જો ભારતમાં આ વેક્સિન લોન્ચ થાય તો તેનાથી તરુણોને મોટો ફાયદો થશે.
મોડર્નાએ જણાવ્યું કે સિંગલ ડોઝની વેક્સિન માટે ઘણી ભારતીય કંપનીઓ સાથે વાતચીત ચાલી રહી છે. કંપનીએ જણાવ્યું કે અમે ભારતને 2021 માં 5 કરોડ ડોઝ આપવા તૈયાર છીએ. જોકે તેને માટે કંપનીને થોડી છૂટછાટો મળવી જોઈએ.
ઉલ્લેખનીય છે કે મોડર્નાના ભારતના અધિકારીઓએ ખુલાસો કર્યો છે કે 2021 માં ભારત આપવા માટે તેની પાસે વધારાની વેક્સિન નથી.
વેક્સિન બનાવતી અમેરિકાની દિગ્ગજ કંપની મોડર્નાએ જણાવ્યું કે 12-17 વર્ષની વયજૂથના લોકોમાં કરાયેલી ટ્રાયલના પરિણામો ખુબ આશાસ્પદ રહ્યાં છે અને કંપની ટૂંક સમયમાં જુન મહિનામાં વર્લ્ડ હેલ્થ ઓર્ગનાઈઝેશન સહિત બીજા નિયમનકારોની મંજૂરી માંગશે.
મોડર્નાના CEO સ્ટીફન બાન્સેલે જણાવ્યું કે કંપની અમેરિકી ડ્રગ્સ કન્ટ્રોલર પાસે જુન મહિનામાં આ વેક્સિનના ઈમરજન્સી ઉપયોગની મંજૂરી માંગશે. અમારી વેક્સિન કિશોરો પર અત્યંત અસરકારક હોવાના ટ્રાયલમાં પરિણામો મળ્યાં છે.
કંપનીએ જણાવ્યું કે સિંગલ ડોઝ કોરોનાની સામે 93 ટકા રક્ષણ આપી શકે છે.