ગુડ ન્યૂઝ / માણસો પર કોરોનાની રસીએ ગજબ પરિણામ બતાવ્યું, આટલા સમયમાં તૈયાર થવાની શક્યતા

• અમેરિકાની પહેલી રસીનું થયું લોકો પર પરીક્ષણ
• કોરોનાની રસીનું આવ્યું ગજબ પરિણામ
• ઝડપથી તૈયાર થઈ જશે આ વેક્સીન

ન્યૂયોર્ક ટાઇમ્સના જણાવ્યા પ્રમાણે, અમેરિકામાં આ પહેલું રસી છે જેનું માનવીઓ પર પરીક્ષણ કરવામાં આવે છે. માર્ચની શરૂઆતમાં, આઠ લોકોને રસી આપવામાં આવી હતી. આ તમામ લોકોને રસીના 2 ડોઝ આપવામાં આવ્યા હતા.

દવા કંપનીનું કહેવું છે કે આ રસી સલામત હોવાનું જણાય છે અને તે વાયરસ સામે રોગપ્રતિકારક પ્રતિક્રિયા પેદા કરે છે. કંપનીના આ દાવા બાદ શેરબજારમાં તેના શેરના ભાવમાં મોટો ઉછાળો જોવા મળ્યો હતો.

જો કે, ટ્રાયલ દરમિયાન કંપનીએ ફક્ત સ્વસ્થ સ્વયંસેવકોને રસી આપી હતી. આ લોકોના શરીરમાં જોવા મળતા એન્ટિબોડીઝની લેબમાં માનવીય કોષો પર પરીક્ષણ કરવામાં આવ્યું હતું. આ સમય દરમિયાન તે જોવા મળ્યું હતું કે એન્ટિબોડીઝ વાયરસને વધતા અટકાવવા માટે સક્ષમ છે.

પરીક્ષણ પછી જોવા મળ્યું સકારાત્મક પરિણામ

રસી પછી લોકોમાં એન્ટિબોડીઝનું લેવલ એવું મળ્યું જે કોરોનાથી સાજા થયેલાં દર્દીઓમાં જોવા મળ્યું હતું. જો કે, હજી સુધી રસી વિશેની મર્યાદિત માહિતીને કારણે, તેની સફળતા વિશે હજી પણ અનિશ્ચિતતા છે.

મોડર્નાએ કહ્યું છે કે તે બીજા તબક્કામાં 600 લોકો પર રસી ટ્રાયલ કરવા જઈ રહી છે. આ રસી પરીક્ષણનો ત્રીજો તબક્કો જુલાઈથી શરૂ થશે, ત્યારે હજારો લોકોને શામેલ કરી શકાય છે.

કંપનીનું કહેવું છે કે જો બીજી અને ત્રીજી ટ્રાયલ સફળ થાય તો, રસી વર્ષના અંત સુધીમાં અથવા 2021 ની શરૂઆતમાં લોકો માટે ઉપલબ્ધ થઈ શકે છે.