મોટા સમાચાર / અમેરિકન કોરોના વેક્સીનના ટ્રાયલ બાદ કંપનીએ આપી આ ખુશખબરી

• વોલેન્ટિયર્સને 28 દિવસના અંતર પર  100 એમજીના બે ડોઝ આપવામાં આવ્યા
• રસીનો ડોઝ લેનારા લોકોમાં કોઈ ગંભીર સાઈડ ઈફેક્ટ પણ જોવા મળી નથી
•  મોટા ભાગના સાઈડ ઈફેક્ટ 2 દિવસમાં ખતમ થઈ ગયા હતા

મોડર્ના કંપનીએ બુધવારે જણાવ્યું કે 56થી 70 વર્ષના 10 લોકો અને 71થી વધારે ઉંમરના પણ 10 લોકોને ટ્રાયલમાં સમાવવામાં આવ્યા હતા. તમામ વોલેન્ટિયર્સને 28 દિવસના અંતર પર  100 એમજીના બે ડોઝ આપવામાં આવ્યા હતા.

કંપનીનું કહેવું છે કે વોલેન્ટિયર્સમાં ન્યૂટ્રલાઈજિંગ એન્ટીબોડીઝ મળી. રિસર્ચર્સનું કહેવું છે કે કોરોના વાયરસની ઈમ્યૂનિટી માટે આ એન્ટીબોડીઝ જરુરી છે. કંપનીએ એ પણ કહ્યું છે કે વોલેન્ટિયર્સમાં જે એન્ટિબોડીઝ મળ્યા છે તેનું પ્રમાણ કોરોનામાંથી સાજા થયેલા દર્દીઓ કરલા વધારે હતું.

મોર્ડનાનું કહેવું છે કે રસીનો ડોઝ લેનારા લોકોમાં કોઈ ગંભીર સાઈડ ઈફેક્ટ પણ જોવા મળી નથી. કેટલાક દર્દીઓને માથાનો દુખાવો અને થકાવટની ફરિયાદ હતી પરંતુ મોટા ભાગના સાઈડ ઈફેક્ટ 2 દિવસમાં ખતમ થઈ ગયા હતા.

ઉલ્લેખનીય છે કે અમેરિકામાં અનેક કોરોના વેક્સીન પર કામ ચાલી રહ્યું છે. જેમાં મોર્ડનાની રસીને એક સારા કેન્ડિનેટ તરીકે જોવામાં આવી રહ્યું છે. મોર્ડનાએ ફેઝ-3નું ટ્રાયલ પણ શરુ કરી દીધું છે. ત્યારે વિશ્વ સ્વાસ્થ્ય સંગઠનના જણાવ્યાનુંસાર દુનિયાભરમાં 170 વેક્સીન પર કામ ચાલી રહ્યુ છે.