આગાહી / મોટા સમાચાર: ગુજરાતના આ વિસ્તારોમાં પડી શકે મધ્યમથી ભારે વરસાદ, હવામાન ખાતાની મોટી આગાહી

• આ વિસ્તારોમાં પડી શકે મધ્યમથી ભારે વરસાદ
• હવામાન વિભાગની વરસાદને લઈ આગાહી
• વરસાદ ખેંચાતા સર્જાઈ શકે છે જળ સંકટ

હવામાન વિભાગ દ્વારા દક્ષિણ ગુજરાતમાં હળવાથી ભારે વરસાદની આગાહી કરવામાં આવી છે.જ્યારે ઉત્તર અને મધ્ય ગુજરાતમાં અને  સૌરાષ્ટ્રમાં સામાન્ય વરસાદની આગાહી કરાઈ છે. રાજ્યમાં ઓગસ્ટના અંત સુધીમાં સારો વરસાદ રહેવાની સંભાવના સેવાઈ રહી છે.

રાજ્યમાં 48 ટકા વરસાદની ઘટ

રાજ્યમાં હજુ પણ 48 ટકા વરસાદની ઘટ જોવા મળે છે. ત્યારે હવામાન વિભાગે વલસાડ, તાપી, ડાંગ, વડોદરા, પંચમહાલ, મહીસાગર, ગાંધીનગર, અમદાવાદ, સુરેન્દ્રનગર, બોટાદ, ભાવનગરમાં વરસાદની આગાહી કરી છે.તેમજ રાજકોટ, અમરેલી, ગીર સોમનાથ અને જૂનાગઢમાં પણ વરસાદની આગાહી કરવામાં આવી છે

વરસાદ ખેંચાતા રાજકોટ પર જળ સંકટ

રાજ્યમાં અનેક જિલ્લાઓમાં વરસાદ પડ્યો છે પરતું હજુ પણ જોઈએ એવો વરસાદ ન પડતા ગુજરાતમાં જળ સંકટ સર્જાઈ તેવી ભિતિ સેવાઈ રહી છે. રાજ્યમાં અનેક ડેમમાં પાણીને પૂરતો જથ્થો બચ્યો નથી, ત્યારે જો વરસાદ નહીં પ઼ડે તો પાણીની તંગી સર્જાશે તેવું લાગી રહ્યું છે. 

હાલ આજી-1 ડેમ માત્ર 27 ટકા જ ભરેલો 

રાજ્યમાં હવામાન વિભાગ દ્વારા વરસાદની આગાહી કરવામાં આવી રહી છે પરતું હજુ પણ જોઈએ એવો વરસાદ ન પડતા ખેડૂતો ચિંતિત બન્યા છે તો બીજી તરફ રાજ્યમાં સિંચાઈ માટે ચેકડેમ પાણી પૂરતી પાણી ન હોવાથી ખેડૂતોનો પાક નિષ્ફળ જાય તેવી ભિતિ સેવવામાં આવી રહી છે એટલું જ નહીં જો આ વખતે સારો વરસાદ નહીં પડે તો રાજ્યમાં પિવાના પાણીનો મોટો પ્રશ્ન સર્જાઈ શકે છે, કેમ કે રાજ્યના અનેક ચેકડેમની હાતલ તરીયાઝાટક જોવા મળી રહી છે ડેમમાં પાણીનો પૂરતો જથ્થો ન હોવાથી જળ સંકટ સર્જાઈ તેવું અનુમાન લગાવવામાં આવી રહ્યું છે. 

આજી અને ન્યારી ડેમમાં જળ સપાટી ઘટી

જો વાત કરવામાં આવે તો વરસાદ ખેંચાતા રાજકોટમાં જળ સંકટ સર્જાઈ શકે છે કેમ કે આજી  અને ન્યારી ડેમમાં જળ સપાટી સતત ઘટી રહી છે. આજી 1 ડેમમાં કુલ 29 ફુટની સપાટી સામે માત્ર 15.90 ફુટ પાણી બચ્યું છે. તે જોતા કહી શકાય કે હાલ આજી ડેમ 1માં માત્ર 27 ટકા જ પાણીનો જથ્થો બચ્યો છે. જ્યારે ન્યારી ડેમની કુલ સપાટી 25 ફુટની છે જેની સામે 17 ફટ જ ડેમમાં પાણી જોવા મળી રહ્યું છે તે જોતા કહી શકાય કે ડેમમાં માત્ર 50 ટકા જ પાણી બચ્યું છે. 

આજી અને ન્યારી ડેમમાં પાણી ઠલવાશે

મહત્વનું છે કે ગોંડલમાં સારો વરસાદ પડતા ભાદર ડેમમાં પાણની સારી એવી આવક થઈ છે. ભાદર ડેમમાં હાલ 2.5 ફુટ પાણી આવ્યું છે તે જોત આગામી જન્માશષ્ટમીએ આજી અને ન્યારી ડેમમાં પાણી ઠાલવવામાં આવે તેવું લાગી રહ્યું છે. જો વાત ભાદર ડેમની કરવામાં આવે તો ભાદર ડેમની કુલ સપાટી 34 ફુટની છે જેમાં 18 ફુટ પાણી ડેમમાં જોવા મળી રહ્યું છે. 

હવામાન વિભાગની વરસાદને લઈ આગાહી

જ્યારે ઉત્તર અને મધ્ય ગુજરાતમાં સામાન્ય વરસાદની આગાહી કરવામાં આવી છે. તો સૌરાષ્ટ્રમાં સામાન્યથી મધ્યમ વરસાદની શક્યતા છે. રાજ્યમાં ઓગસ્ટના અંત સુધીમાં સારો વરસાદ રહેવાની સંભાવના છે. જોકે રાજ્યમાં હજુ પણ 48 ટકા વરસાદની ઘટ છે.

આ વિસ્તારોમાં વરસાદની આગાહી 

રાજ્યમાં વલસાડ, તાપી, ડાંગ, વડોદરા, પંચમહાલ, મહીસાગર, ગાંધીનગર, અમદાવાદ, સુરેન્દ્રનગર, બોટાદ, ભાવનગરમાં વરસાદની આગાહી કરી છે.તેમજ રાજકોટ, અમરેલી, ગીર સોમનાથ અને જૂનાગઢમાં પણ વરસાદની આગાહી કરવામાં આવી છે.

દિલ્હીમાં પણ પડ્યો વરસાદ 

દિલ્હીમાં ભારે વરસાદે કહેર મચાવ્યો છે. દિલ્હીમાં અનરાધાર વરસાદને પગલે ઠેર-ઠેર પાણી ભરાઈ જતાં સ્થાનિકોને મુશ્કેલીઓનો સામનો કરવો પડી રહ્યો છે. હવામાન વિભાગ મુજબ પશ્ચિમ મધ્યપ્રદેશ, રાજસ્થાન, હિમાચલ પ્રદેશ, ઉત્તરાખંડ, ઉત્તરપ્રદેશ, બિહાર અને દિલ્હી-NCRમાં ભારેથી અતિભારે પડી શકે છે. 
દિલ્હી-NCRમાં આગામી ત્રણ દિવસ સુધી ભારેથી અતિભારે વરસાદ પડવાની આગાહી છે. દિલ્હી, નોઈડા, ગુરુગ્રામ અને ગાઝિયાબાદના કેટલાક વિસ્તારોમાં પાણી ભરાઈ ગયા છે અને સ્થાનિકોને પણ એનાથી ઘણી મુશ્કેલીઓનો સામનો કરવો પડી રહ્યો છે.