હમેશાં કોન્ટ્રોવર્સીમાં ઘેરાયેલી રહેતી અભિનેત્રી અને મોડલ પૂનમ પાંડે ફરીથી નવી મુશ્કેલીમાં ફસાઈ ગઈ છે. પૂનમ પાંડેની તેના એક ફ્રેન્ડ મુંબઈ મરીન ડ્રાઈવ પર ધરપકડ કરવામાં આવી છે. લોકડાઉન નિયમો તોડવા બદલ બંનેની ધરપકડ કરવામાં આવી છે અને આ બંને સામે એફઆઈઆર પણ નોંધવામાં આવી છે.
લોકડાઉનની ધજ્જિયા ઉડાવી કાર લઈને ફરવા નીકળી આ અભિનેત્રી
મુંબઈ મરીન ડ્રાઈવ પર ફ્રેન્ડ સાથે પોલીસે કરી તેની ધરપકડ
રિપોર્ટ્સ મુજબ પોલીસે જ્યારે પૂનમ પાંડેને પકડી ત્યારે તે તેના 46 વર્ષીય ફ્રેન્ડ સેમ અહમદ સાથે કારમાં હતી. તેના પર કોઈ પણ કારણ વિના લોકડાઉનમાં ઘરની બહાર નીકળવાનો અને લોકડાઉનના નિયમોનું પાલન ન કરવાનો આરોપ છે. તમને જણાવી દઈએ કે, કોરોના વાયરસને કારણે ભારત સરકારે દેશમાં 17 મે સુધી લોકડાઉન જાહેર કર્યું છે.
સીનિયલ પોલીસ ઈન્સ્પેક્ટર મૃત્યુંજય હીરેમઠે એક ઈન્ટરવ્યૂમાં જણાવ્યું કે, પૂનમ પાંડે (29) અને સેમ અહમદ (46)ની વિરૂદ્ધ નેશનલ ડિસાસ્ટર એક્ટ હેઠળ આઈપીસીની ધારા 269 અને 188 હેઠળ કેસ દાખલ કરવામાં આવ્યો છે. તમને જણાવી દઈએ કે, કલમ 269 હેઠળ, કોઈ વ્યક્તિ પર તેની બેદરકારીને લીધે માંદગી અને ચેપ ફેલાવવાનો અને બીજાની જિંદગીને જોખમમાં મૂકવાનો આરોપ લાગે છે. જ્યારે કલમ 189 હેઠળ વ્યક્તિ પર સરકાર દ્વારા અપાયેલી સૂચનાનું પાલન ન કરવાનો આરોપ લાગે છે અને આરોપી વ્યક્તિ પર કાર્યવાહી કરવામાં આવે છે.
તમને જણાવી દઈએ કે, પૂનમ પાંડે તેના વિવાદાસ્પદ નિવેદનો અને બોલ્ડ ફોટોઝને કારણે હમેશાં ચર્ચામાં રહે છે. સૌથી પહેલાં તે ત્યારે ચર્ચામાં આવી હતી જ્યારે તેણે 2011 વર્લ્ડકપ દરમિયાન કહ્યું હતું કે, જો ભારતીય ટીમ ટ્રોફી જીતશે તો તે ન્યૂડ થઈ જશે. જોકે, તેણે આવું કંઈ કર્યું નહોતું પરંતુ તેના આ નિવેદનથી ખૂબ જ હોબાળો મચ્યો હતો. આ સિવાય તેની ફિલ્મ નશામાં ઈન્ટીમેટ સીન્સ આપવા બદલ પણ તે ખૂબ વિવાદોમાં રહી ચૂકી છે.