મોડાસાઃ ટીંટોઈ ગામે ત્રણ વિદ્યાર્થીઓ ગુમ અપહરણની આશંકા શોધખોળનો ધમધમાટ

અરવલ્લીઃ મોડાસાના ટીંટોઈ ગામે ત્રણ વિદ્યાર્થીઓ ગુમ થયા છે. ધોરણ-9માં અભ્યાસ કરતા વિદ્યાર્થીઓ ગુમ થઇ ગયા છે. એક સાથે 3 વિદ્યાર્થીઓ ગુમ થતા ચર્ચા જાગી છે. મોડાસા ગ્રામ્ય પોલીસે શોધખોળ હાથ ધરી છે. રાહુલ મંગલ અને પિયુષ નામના વિદ્યાર્થીઓ ગુમ થયા છે. પોલીસે અપહરણની આશંકાએ તપાસ હાથ ધરી છે.

મહત્વનું છે કે ગામના ત્રણ વિદ્યાર્થીઓ ગુમ થતા સમગ્ર પંથકમાં દોડધામ મચી છે. ગામ લોકો પરિવારજનો અને પોલીસ તંત્ર દ્વારા શોધખોળનો ધમધમાટ ચાલી રહ્યો છે. વિદ્યાર્થીઓ ગુમ થતા ગામમાં હાહાકાર મચ્યો છે.


અત્રે ઉલ્લેખનીય છે કે અગાઉ ટીંટોઇ ગામમાં અનેક ગુનાઓ બની ચૂક્યા છે. ઘરફોડ-ચોરી ચેઇન સ્નેચિંગ જેવી ઘટનાઓ સામે આવી ચુકી છે. ત્યારે આ ત્રણ વિદ્યાર્થીઓ ગુમ થતા પોલીસ દ્વારા અપહરણની આશંકા દર્શાવાય રહી છે.