5મી જાન્યુઆરીએ અરવલ્લિના મોડાસામાં સાયરા પાસેના ગામમાં અમરાપુર ગામમાં એક યુવતીની ઝાડ પર લટકતી લાશ મળી આવી હતી જેને પગલે ચકચાર મચી ગઈ હતી. યુવતી ઉપર સામૂહિક દુષ્કર્મ ગુજારવામાં આવ્યું હોવાની શંકાસ્પદ ઘટના સામે આવતા ચકચાર મચી ગઈ હતી. આ મામલે બોલિવુડ અભિનેતા રિતેશ દેશમુખની ટ્વીટે બળતામાં ઘી હોમવાનું કામ કર્યુ છે.
બોલીવૂડ અભિનેતા રિતેશ દેશમુખે કર્યુ ટ્વીટ
દોશીઓને જાહેરમાં લટકાવી દો : રિતેશ દેશમુખ
ગેંગરેપ કરી હત્યાની અમાનવીય ઘટના : રિતેશ દેશમુખ
શું કહ્યું રિતેશે?
બોલીવૂડ અભિનેતા રિતેશ દેશમુખે ટ્વીટ કર્યુ છે કે, આ ઘટનામાં દોષીઓને પણ જાહેરમાં લટકાવી દો. ગેંગરેપના આરોપીઓને છોડી ન શકાય. ખરેખર પગલા લેવાવા જ જોઈએ
5 જાન્યુઆરીએ યુવતીની લાશ મળી હતી
નવાવર્ષની પહેલી તારીખથી જ મોડાસા શહેરમાંથી સાયરા પાસેનાં અમરાપુર ગામની 20 વર્ષીય યુવતી ગમ થઈ હતી. જે અંગે મોડાસા ટાઉન પોલીસ સ્ટેશનમાં 5 શકમંદોનાં સામે અરજી કરવામાં આવી હતી. જેને પગલે પોલીસે તપાસ હાથ ધરી હતી. ત્યારે 5 દિવસથી ગુમ યુવતી સાયરા દધાલિયા રોડ પર દુપટ્ટાથી ફાંસો ખાધેલી સ્થિતિમાં ઝાડ પર લટકતી હાલતમાં મળી આવી હતી.
પુજારીને થઈ જાણ
ઝાડ નીચે ખોડિયાર માતાજીનુ મંદિર હોવાથી પૂજારી દિવાબત્તી કરવા પહોંચ્યો હતો. જ્યાં તેમની નજર યુવતીની લટકતી લાશ પર પડી હતી. જે અંગે સ્થાનિક ગામનાં આગેવાનોને તેણે જાણ કરી હતી. ગામનાં આગેવાનોએ યુવતીનાં પરિવારજનોને આ અંગે અવગત કરાવાયા હતાં.
સાયરામાં મચી ગઈ હતી ચકચાર
રાત- દિવસ એક કરી યુવતીની શોધખોળ કરતાં પરિવારજનોને દીકરીનાં મોતનાં સમાચાર મળતાં તેમના પગ નીચેથી જમીન સરકી ગઈ હતી. દલિત સમાજની યુવતીનાં ચકચારી મોચ મામલે જિલ્લાનો પોલીસ કાફલો ઉતારી દેવામાં આવ્યો છે. સમગ્ર મામલે FSLની ટીમ પર ઘટના સ્થળે પહોંચી ગઈ છે. ત્યારે પરિવાર શકમંદ આરોપીઓને ઝડપી પાડવા માંગ કરી રહ્યો છે. પરિવારે યુવતી પર દુષ્કર્મ કરી તેને ઝાડ પર લટકાવી હત્યા કરી હોવાનો આક્ષેપ કરી રહ્યો છે.