બદલાવ / મોબાઈલ યુઝર્સ માટે આવ્યા ખરાબ સમાચાર, નવા વર્ષમાં ટેરિફને લઈને થશે આ મોટો ફેરફાર

• મોબાઈલ યુઝર્સ માટે  નવું વર્ષ મોંઘુ સાબિત થઈ શકે છે
• નવા વર્ષમાં મોંઘા પ્લાનને કારણે લાગશે ઝટકો
• ટેલિકોમ કંપનીઓ મોબાઈલ ટેરિફ વધારવાનો પ્લાન બનાવી રહી છે

તમને જણાવી દઈએ કે, ડિસેમ્બર 2019માં પણ ટેલિકોમ કંપનીઓએ ટેરિફમાં વધારો કર્યો હતો. એ પછી મોબાઈલ નેટવર્ક અપગ્રેડ કરીને 2જી અથવા 3જીથી 4જી કરી દેવામાં આવ્યું હતું. નાણાકીય વર્ષ 2020-21માં ટેલિકોમ કંપનીઓની આવકમાં નોંધપાત્ર વૃદ્ધિ થઈ છે. આને ધ્યાનમાં રાખીને, ટેલિકોમ કંપનીઓ ફરી મોબાઇલ ટેરિફ વધારવાની યોજના બનાવી રહી છે. ઇન્ફર્મેશન એન્ડ ક્રેડિટ રેટિંગ એજન્સી (આઈસીઆરએ) અનુસાર, ચાલુ નાણાકીય વર્ષમાં મોબાઇલ પ્લાન મોંઘા થઈ શકે છે.

વોડાફોન આઈડિયા લિમિટેડએ હાલમાં તેના પોસ્ટપેડ પ્લાનની કિંમતમાં વધારો કર્યો હતો. કંપનીને આશા છે કે નાણાકીય વર્ષ 2021-22માં તેમની આવક વધશે. આ ઉપરાંત, હાઈ ઓપરેટિંગ લિવરેજથી તેમની પ્રોફેટેબિલિટીમાં પણ સુધારો થશે. કોરોના સંકટને કારણે વ્રક ફ્રોમ હોમ અને ઓનલાઈન ક્લાસિસને કારણે ડેટાની વધુ જરૂર પડવા લાગી છે. તેનાથી કંપનીઓની ગ્રાહક દીઠ આવક વધી છે. તગડી સ્પર્ધાને કારણે ટેલિકોમ કંપનીઓની કમાણીમાં મોટો ઘટાડો જોવા મળ્યો હતો, પરંતુ નાણાકીય વર્ષ 2020-21માં ઈન્ડસ્ટ્રીની આવકમાં વધારો થશે. આઈસીઆરએના જણાવ્યા અનુસાર ટેરિફ અને વારંવાર અપગ્રેડેશનના કારણે ટેરિફ કંપનીઓની આવક 11 ટકા વધશે. નાણાકીય વર્ષ 2021-22માં, આવકમાં લગભગ 13 ટકાનો વધારો થશે.

કમાણી સાથે કંપનીઓનું દેવું પણ વધશે

ટેલિકોમ કંપનીઓની કમાણીમાં વધારાની સાથે તેમનું દેવું પણ વધશે. આઈસીઆરએના અંદાજ મુજબ નાણાકીય વર્ષ 2021માં ટેલિકોમ ઈન્ડસ્ટ્રી પર 4.9 લાખ કરોડનું દેવું રહેશે. આવતા વર્ષે તેમમાં થોડો ઘટાડો નોંધવામાં આવશે. નાણાકીય વર્ષ 2022માં ટેલિકોમ ઉદ્યોગ પર 4.7 લાખ કરોડનું દેવું રહેશે. નાણાકીય વર્ષ 2020માં મોટી સંખ્યામાં ટેલિકોમ કંપનીઓએ રાઇટ ઇશ્યુઝ, ક્યૂઆઈપી અને એડિશનલ સ્પોન્સર ફંડ ઈન્ફ્યૂઝન દ્વારા દેવું ચૂકવ્યું હતું. આને કારણે ટેલિકોમ કંપનીઓનું દેવું 31 માર્ચ 2020 સુધી ઘટીને 4.4 લાખ કરોડ થયું હતું, જ્યારે 31 માર્ચ 2019 સુધીમાં તે 5 લાખ કરોડ રૂપિયા હતું.