દુ:ખદ / મોબાઈલ સ્નેચર્સે લીધો વિદ્યાર્થીનો ભોગ, પીછો કરવા જતાં વિદ્યાર્થીનું બાઇક સ્લીપ થયું અને ..

• સુરતમાં મોબાઈલ સ્નેચરોએ લીધો વિદ્યાર્થીનો ભોગ
• સ્નેચરોનો પીછો કરવાના પ્રયાસમાં વિદ્યાર્થીનું મૃત્યુ
• લીંબાયત વિસ્તારમાં બની હતી મોબાઈલ સ્નેચિંગની ઘટના

સુરતમાં એક દુ:ખદ ઘટના સામે આવી છે. જેમાં એક વિદ્યાર્થી સાથે મોબાઈલ સ્નેચિંગની ઘટના બાદ સ્નેચરોનો પીછો કરવાના પ્રયાસમાં વિદ્યાર્થીનું મૃત્યુ થયું છે. ભોગ બનનાર વિદ્યાર્થીનું બાઇક સ્લીપ થયાં બાદ ગંભીર રીતે ઇજાગ્રસ્ત વિદ્યાર્થીને તાત્કાલિક સારવાર અર્થે નજીકની હોસ્પિટલ ખસેડવામાં આવ્યો હતો. જોકે વિદ્યાર્થીને માથાના ભાગે ગંભીર ઇજાઓ પહોંચી હોય સારવાર દરમ્યાન તેનું મૃત્યુ થયું હતું. 

સુરતના લીંબાયત વિસ્તારમાં મોબાઈલ સ્નેચિંગની ઘટનામાં એક વિદ્યાર્થીએ જીવ ખોવાનો વારો આવ્યો હતો. સુરતમાં બેફામ બનેલા સ્નેચરોને જાણે પોલીસનો કોઈ ડર જ ના રહ્યો હોય તેવી સ્થિતિ બની છે. લીંબાયત વિસ્તારમાં એક વિદ્યાર્થી સાથે મોબાઈલ સ્નેચિંગની ઘટના બનતા તેને સ્નેચરોનો પીછો કર્યો હતો. જોકે અચાનક વિદ્યાર્થીનું બાઇક સ્લીપ થઈ જતાં તેને સારવાર અર્થે ખસેડાયો હતો. જ્યાં તેનું સારવાર દરમ્યાન મોત થયું છે. 

સૂત્રોએ જણાવ્યું હતું કે, સુરતમાં બનેલી ઘટનામાં એક નિર્દોષ વિદ્યાર્થીએ જીવ ખોવાનો વારો આવ્યો છે. શહેરમાં જાણે પોલીસનો કોઈ ડર જ ના હોય સ્નેચરો બેફામ બન્યા છે. હાલ તો પોલીસે ગુનો નોંધીને આગળની કાર્યવાહી હાથધરી છે.