રશિયા અને યુક્રેનની વચ્ચે ત્રણ મહિનાથી સતત યુદ્ધ ચાલુ છે. આ યુદ્ધમાં રશિયા અને યુક્રેન બંને દેશોને ભારે નુકસાન થઇ રહ્યું છે. આ યુદ્ધ સાથે જોડાયેલા અત્યાર સુધીના ઘણા વીડિયો સામે આવી ચૂક્યા છે.
એક યુક્રેની સૈનિકનો વીડિયો વાયરલ થયો
યુક્રેની સૈનિક વીડિયોમાં કર્યો દાવો
મારા સ્માર્ટફોનના કારણે મારો જીવ બચી ગયો
સ્માર્ટફોને બચાવ્યો યુક્રેનના સૈનિકનો જીવ
હાલમાં એક યુક્રેની સૈનિકનો વીડિયો વાયરલ થયો છે. આ વીડિયોમાં સૈનિક જણાવી રહ્યો છે કે કેવીરીતે તેના સ્માર્ટ ફોને તેનો જીવ બચાવ્યો. યુદ્ધગ્રસ્ત યુક્રેનમાંથી સામે આવેલા આ વીડિયોમાં એક યુક્રેની સૈનિકે પોતાના સ્માર્ટફોનના કારણે તેનો જીવ બચ્યાનો દાવો કરતો બતાવવામાં આવ્યો છે. આ વીડિયો સોશિયલ મીડિયામાં વાયરલ થઇ રહ્યો છે. જેમાં સૈનિક યુક્રેનમાં પોતાના સહયોગી સાથે વાતચીત કરી રહ્યો છે. જે વીડિયો શૂટ કરી રહ્યો છે અને સ્માર્ટફોન બતાવી રહ્યો છે.
સ્માર્ટફોનમાં ગોળી ફસાઈ ગઈ
45 સેકન્ડના વીડિયોમાં યુક્રેની સૈનિક પોતાના તૂટેલા ફોનમાં ફસાયેલી 7.62 એમએમની ગોળી બતાવી રહ્યો છે. સૈનિક પોતાના સહયોગીને કહે છે... સ્માર્ટફોને મારો જીવ બચાવ્યો છે. વીડિયોમાં ગોળી અને વિસ્ફોટોની અવાજ પણ સંભળાઈ રહી છે. વીડિયો યુક્રેનના કોઈ યુદ્ધગ્રસ્ત વિસ્તારનો છે. બંને સૈનિકો ખાઈમાં બેઠેલા પ્રતિત થઇ રહ્યાં છે.