લોહી ચુંબકની મેગ્નેટિક શક્તિથી તમે લોખંડને આકર્ષાતું તો જોયું જ હશે. પણ માણસની મેગ્નેટિક શક્તિથી મોબાઈલ હાથમાં ચોંટવાની વાત તમારા માટે નવી હશે. જો કે હિંમતનગર તાલુકાનાં એક ગામમાં થયું છે કંઈક આવું. જેને જોવા હવે લોકોનાં ટોળેટોળાં ઉમટી પડે છે.
હિંમતનગર તાલુકાનાં ગાંધીપુરા ગામના ભરતભાઈ ધોળું કે જેમના હાથમાં જાણે જાદુ છે. કોઈ પણ મોબાઈલ તેમને તમે આપો તો એ મોબાઈલ તેમના ડાબા હાથમાં ચોટી જાય છે. તમને એ જાણીને નવાઈ લાગશે પણ માત્રને માત્ર તેમના ડાબા હાથમાં જ આ કરામત છે. જમણા હાથમાં નહીં, વળી માત્રને માત્ર મોબાઈલ જ તેમના હાથમાં ચોંટે છે. અન્ય કોઇ પણ ચીજ નહીં.
છેલ્લાં એક અઠવાડીયાથી ભરતભાઈમાં આ બદલાવ આવતા તેમણે તેમનાં મિત્રોને આ વિષે જણાવ્યું. પહેલા તો કોઈ માન્યા નહીં પણ ભરતભાઈએ તેમને આ બતાવ્યું તો આ માણવાની જગ્યાએ મિત્રોએ તેમનાં હાથ સાબુ અને હેન્ડવોશથી ધોવડાવ્યાં. તેમ છતાં મોબાઈલ ચોંટી જતા સૌ કોઇ અચંબામાં પડી ગયાં.
ભરતભાઈનાં હાથમાં મોબાઈલ ચોટવાની ઘટના ગામ-વાસીઓ જાદુ ગણાવી રહ્યાં છે. જો કે આ પાછળ કોઈ ચમત્કાર છે કે મેગ્નેટિક શક્તિ એ તો બાદમાં જ ખબર પડશે. પણ આ ઘટના બાદ ભરતભાઈ સોશિયલ મીડિયામાં પણ હીરો બની ગયા છે.