બેદરકારી / વિવાદોની વડોદરા સેન્ટ્રલ જેલ..! ગોધરાકાંડના આરોપીના નેટવર્ક બાદ ફરી મોબાઇલ મળતાં સિક્યોરીટી શંકાના દાયરામાં

• વડોદરા સેન્ટ્રલ જેલમાંથી વધુ એક મોબાઇવ મળી આવ્યો 
• અગાઉ ગોધરાકાંડનો આરોપી જેલમાંથી નેટવર્ક ચલાવતો હોવાનુ આવ્યુ હતુ સામે 
• જેલમાંથી ડિસેમ્બર 2019માં કુલ 30 મોબાઈલ ઝડપાયા હતા

સેન્ટ્રલ જેલમાંથી બિનવારસી મોબાઇલ મળી આવ્યો છે. ગત રોજ પણ 4 નંબરના બેરેકમાંથી મોબાઇલ મળી આવ્યો હતો. ત્યારે અગાઉ ગોધરાકાંડનો આરોપી સલીમ જર્દા જેલમાંથી નેટવર્ક ચલાવતો હોવાનું પણ સામે આવ્યું હતું. એક અઠવાડિયાની ક્રાઈમ બ્રાન્ચની તપાસમાં મોટો ખુલાસો થયો હતો.

ગોધરાકાંડનો આરોપી સલીમ જર્દા આ કોલ સેન્ટર ચલાવતો હતો. આરોપી સલીમ જર્દા સેન્ટ્રલ જેલમાંથી ફોન પર એક મિનિટ વાત કરવા માટે 100 રૂપિયા ચાર્જ વસૂલતો હતો.

ગોધરાકાંડના આરોપી સલીમ જર્દાના 21 મોબાઈલ ફોન 24 કલાક કેદીઓની વચ્ચે ફરતા હતા અને એક અઠવાડિયાનું ફોન વાપરવાનું ભાડું રૂપિયા 200 વસૂલતો હતો.