છેટાસણા ગામે કિશોરી જ્યારે મોબાઈલ ચાર્જિંગમાં રાખીને ફોન પર વાત કરી રહી હતી ત્યારે તેમાં બ્લાસ્ટ થતા તેવું ઘટના સ્થળે જ મોત નિપજ્યું
મોબાઈલમાં બ્લાસ્ટ થતા સગીરાનું મૃત્યુ
બહુચરાજીના છેટાસણા ગામનો બનાવ
મોબાઈલ ફાટતા 17 વર્ષીય સગીરાનું મૃત્યુ
મહેસાણાના બહુચરાજીમાં મોબાઈલને કારણે કિશોરીએ જીવ ગુમાવવાનો વારો આવ્યો છે. છેટાસણા ગામે કિશોરી જ્યારે મોબાઈલ ચાર્જિંગમાં રાખીને ફોન પર વાત કરી રહી હતી ત્યારે મોબાઈલમાં બ્લાસ્ટ થતા તેનું ઘટના સ્થળે જ મોત નિપજ્યું હતું કિશોરીને ગંભીર રીતે ઈજાગ્રસ્ત થઈ હતી તેનું મોત જેને લઈ પરિવારજનોમાં શોકની લાગણી છવાઈ ગઈ હતી. જ્યારે આસપારમાં પણ ડરનો માહોલ છવાઈ ગયો હતો.
મોબાઈલમાં બ્લાસ્ટ થતા સગીરાનું મૃત્યુ
મોબાઈલ ફોન વાપરતા લોકો માટે આંખ ઉઘાડનાર કિસ્સો સામે આવ્યો છે કેટલાક લોકોને મોબાઈલ ચાર્જિંગમાં રાખીને વાત કરતા હોય છે તેવા લોકોને આ ઘટના આંખ ઉઘાડનાર સમાન છે બહુચરાજીમાં 17 વર્ષની કિશોરી જ્યારે ઘરમાં ફોન ચાર્જિંગમાં રાખીને વાત કરી રહી હતી ત્યારે દુર્ઘટના બની જેનો તેને જીવ ગુમાવવાનો વારો આવ્યો છે. સવારે અંદાજીત 9 વાગ્યે કિશોરી ઘરના ઉપરના માળે મોબાઈલ ચાર્જિંગમાં ભરાવીને વાત કરી રહી હતી. તે સમયે અચાનક મોબાઈલમાં બ્લાસ્ટ થતા સગીરાનું ઘટના સ્થળે જ મોત નિપજ્યું હતું. ધડાકા ભેર અવાજ સંભાળાતા આસપાસના લોકો કિશોરીના રૂમમાં દોડી આવ્યા હતા જોકે 17 વર્ષીય શ્રધ્ધા દેસાઈનું ઘટના સ્થળે જ મોત નિપજ્યું હતું.
મોબાઈલ ફાટતા 17 વર્ષીય સગીરાનું મૃત્યુ
જ્યારે ઘરમાં ભરેલ સૂકો ઘાસચારો સળગી ઉઠતાં લોકોએ પાણીનો મારો ચલાવી આગ ઓલવી હતી. આ ઘટનાની જાણ થતાં ગામના તલાટી ઘટના સ્થળે પહોંચી ગયા હતા અને સમગ્ર મામલે પોલીસને જાણ કરાવમાં આવી હતી. જોકે, અકસ્માતે ઘટના બનતા હાલ કોઈ કોઇ કાર્યવાહી ન કરાઈ હોવાનું મનાઈ રહ્યું છે. હાલ તો ઘટનાને પગલે ગ્રામજોનમાં ભય જોવા મળી રહ્યો છે.