જો તમે પણ એક એન્ડ્રોઈડ મોબાઈલ વાપરો છો તો તમારે કેટલાક દિવસો માટે ખુબ સતર્ક રહેવાની જરૂર છે કેમકે સિક્યોરિટી એક્સપર્ટે બે એવા વાયરસની ઓળખ કરી છે જે ભારતમાં એન્ડ્રોઈડ મોબાઈલ યૂઝર્સ પર નજર રાખી રહ્યા છે અને તેમનો બેન્કિંગ ડેટા ચોરી કરી રહ્યા છે.
તેની જાણકારી ક્વિલ હીલ સિક્યોરિટી લેબના સુરક્ષા એક્સપર્ટોએ આપી છે. એક્સપર્ટોનું કહેવુ છે કે આ બંન્ને વાયરસનું નામ ANDROID.MARCHE R.C અને ANDROID.ASACUB.T છે જે ટ્રોઝન છે. આ ટ્રોઝન પ્રમુખ મોબાઈલ બેન્કિંગ એપના નોટિફિકેશનને કોપ કરી રહ્યા છે. બેંકિંગ એપ ઉપરાંત તે વ્હોટ્સએપ ફેસબુક સ્કાઈપ ઈન્સ્ટાગ્રામ અને ટ્વીટર જેવા સોશિયલ મીડિયા એપ્સના પણ નોટિફિકેશનને કોપી કરી રહ્યા છે.
રિસર્ચર્સના કહ્યા પ્રમાણે આ મેલવેયર એડમિનિસ્ટ્રેટિવ ઓથોરિટીના મારફતે મોબાઈલ પર આવનારા મેસેજ સુધી પહોંચ બનાવે છે અને ત્યારબાદ હેકર્સને ટૂ-ફેક્ટર ઓથેન્ટિકેસનને બાયપાસ કરવામાં મદદ કરે છે. જણાવી દઈએ કે ઓનલાઈન પેમેન્ટ અને સિક્યોરિટી માટે ટૂ-ફેક્ટર ઓથેન્ટિકેશનનો ઉપયોગ કરવામાં આવે છે.
જણાવી દઈએ કે android.marcher.c વાસ્તવિક એપની જેમ દેખાવા માટે adobe ફ્લેશ પ્લેયરના આઈકનનો ઉપયોગ કરે છે જ્યારે android.asacub.t નુ આઈકેન એન્ડ્રોઈડ અપડેટ જેવુ છે.