તમારા કામનું / ભૂલી ગયા કે તમારો કયો મોબાઇલ નંબર આધાર સાથે છે લિંક? તો ટેન્શન છોડો, અપનાવો આ ટ્રિક

આજના સમયમાં આધાર કાર્ડ એક ખૂબ જ મહત્વપૂર્ણ ડોક્યુમેન્ટ બની ગયું છે, જે લગભગ દરેક જગ્યાએ ફરજિયાત બની ગયું છે. તમને ખ્યાલ જ હશે કે આધાર કાર્ડ શાળામાં પ્રવેશથી લઈને ઘર કે મિલકત ખરીદવા સુધી દરેક જગ્યાએ તેનો ઉપયોગ થાય છે. હોટલમાં રૂમ બુક કરાવવા જેવા કામો માટે પણ આધાર જરૂરી છે.ઘણી વખત એવું બને છે કે કોઈ વ્યક્તિ પાસે એક કરતા વધુ મોબાઈલ નંબર હોય છે, અને તેને યાદ નથી હોતું કે તેણે કયો નંબર આધાર સાથે લિંક કર્યો હતો. આ જાણવું ખૂબ જ જરૂરી છે, કારણ કે ઘણી સરકારી અને ખાનગી સેવાઓ માટે OTPની જરૂર પડે છે, જે ફક્ત આધાર સાથે જોડાયેલા મોબાઈલ નંબર પર મોકલવામાં આવે છે.

આધાર કાર્ડ યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા જારી કરવામાં આવે છે. તેને અપડેટ રાખવું ખૂબ જ જરૂરી છે, ખાસ કરીને તેની સાથે લિંક થયેલ મોબાઈલ નંબર. જ્યારે તમે આધાર કાર્ડ બનાવો છો, ત્યારે મોબાઈલ નંબર દાખલ થાય છે. જો તમે તમારો મોબાઈલ નંબર બદલ્યો છે, તો તેને આધાર કાર્ડમાં અપડેટ કરવું મહત્વપૂર્ણ છે.

ઘરે બેઠા જાણો ક્યો નંબર લિંક છે

જો તમે પણ ભૂલી ગયા છો કે તમારો કયો મોબાઈલ નંબર આધાર સાથે લિંક છે, તો થોડું પણ ટેન્શન લેવાની જરૂર નથી. UIDAI એ આ જાણવા માટે એક સરળ રીત આપી છે જેના દ્વારા તમે ઘરે બેઠા જ થોડા સમયમાં જ આ જાણી શકો છો.

વધુ વાંચો : બસ રોજના માત્ર આટલા જ રૂપિયાનું સેવિંગ કરો, ને મેળવો રૂ. 17 લાખથી વધુનું ફંડ, Post Office લાવ્યું જોરદાર સ્કીમ

• UIDAIની સત્તાવાર વેબસાઇટ https://uidai.gov.in/ પર જાઓ.
• ત્યારબાદ My Aadhaar વિભાગ પર ક્લિક કરો.
• હવે Aadhaar Service વિકલ્પ પસંદ કરો.
• Aadhaar Service માં Verify an Aadhaar Number પર ક્લિક કરો.
• તમારો 12 અંકનો આધાર નંબર દાખલ કરો.
• Captcha કોડ દાખલ કરો.
• હવે Proceed to Verify પર ક્લિક કરો.
• આમ કરવાથી, આધાર સાથે જોડાયેલા તમારા મોબાઈલ નંબરના છેલ્લા ત્રણ નંબર દેખાશે.
• જો કોઈ મોબાઈલ નંબર લિંક નથી, તો નંબરો અહીં દેખાશે નહીં.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ