VIDEO: મહિલા સંમેલનમાં BJPના મહિલા ધારાસભ્યો જ ગેરહાજર રહેતા ચર્ચા શરૂ

વડોદરા: ગુજરાતમાં રાજ્ય સરકાર દ્વારા મહિલા સશક્તિકરણના ભાગરૂપે મહિલા સંમેલન યોજવામાં આવ્યા છે.ત્યારે આજરોજ વડોદરા જીલ્લા ખાતે યોજાયેલ મહિલા સંમેલનમાં એક પણ ધારાસભ્યને રસ નથી તેવો ઘાટ થયો છે.આ સંમેલનમાં કોંગ્રેસના 2 અને ભાજપના 6 ધારાસભ્યો ગેરહાજર રહ્યા હતા.

ઉલ્લેખનીય છે કે વડોદરામાં મહિલા સંમેલનમાં 10 ધારાસભ્યોમાંથી એકપણ ધારાસભ્ય હાજર ન રહેતા અનેક ચર્ચાઓ ઉભી થઇ છે.ભાજપના 2 મહિલા ધારાસભ્ય મહિલા સંમેલનમાં ગેરહાજર રહી હતી.આમંત્રણ પત્રિકામાં નામ હોવા છતાં હાજર ન રહ્યા તે અંગે કારણ જાણી શકાયું નથી.



મહત્વપૂર્ણ છે કે વિશ્વ મહિલા સપ્તાહ અંતર્ગત મહિલા સંમેલનનું આયોજન કરાયું હતું.બેટી બચાવો અભિયાનમાં જ મહિલા ધારાસભ્યો હાજર ના રહેવાથી ધારાસભ્યોને ઉત્સાહ નથી તેવી ચર્ચાઓ સાંભળવા મળી હતી.આજ રોજ યોજાયેલ આ કાર્યક્રમમાં શ્રેષ્ઠ કામગીરી કરનાર આંગણવાડી કાર્યકર બહેનોને યશોદા એવોર્ડ આપી સન્માન કરાયું હતું.આ સંમેલનમાં વિધાનસભા અધ્યક્ષ રાજેન્દ્ર ત્રિવેદી ખાસ ઉપસ્થિત રહ્યા હતા.  

આ બાબતે કાર્યક્રમના અધ્યક્ષ રાજેન્દ્રભાઈ ત્રિવેદીએ જણાવ્યું હતુ કે મહિલા ધારાસભ્યો અન્ય કાર્યક્રમોમાં વ્યસ્ત હોવાના કારણે હાજર રહી શક્યા નથી.જોકે મહિલા સશક્તિકરણના આ કાર્યક્રમથી વધુ અગત્યનો કયો કાર્યક્રમ હશે તે એક સવાલ છે.