લવ જેહાદ મુદ્દે ધારાસભ્યના નિવેદન બાદ ઘમાસાણ મચ્યું છે. પહેલા વીડિયો વાયરલ થયો અને ફરીથી ઓડિયો વાયરલ થયો છે.
લવજેહાદ પર વાયરલ વીડિયોથી ખળભળાટ
ખંભાળીયાના કોંગ્રેસના ધારાસભ્ય છે વિક્રમ માડમ
ભાણવડના ઢેબર ગામમાં સભા કરવા ગયા હતા માડમ
લવજેહાદ મામલે કોંગ્રેસના ધારાસભ્ય વિક્રમ માડમનો એક વીડિયો વાયરલ થયો છે. વીડિયોમાં ધારાસભ્ય જે બોલી રહ્યાં છે તેના કારણે વિવાદ થયો છે. આ મામલે હવે ઓડિયો વાયરલ થયો છે. જેમાં વિક્રમ માડમને આ તેમના લવ જેહાદના મુદ્દે પ્રશ્નો પૂછાઈ રહ્યો છે.
લવજેહાદ મામલે કોંગ્રેસના ધારાસભ્ય વિક્રમ માડમનો એક વીડિયો વાયરલ થયો છે. વીડિયોમાં ધારાસભ્ય જે બોલી રહ્યાં છે તેના કારણે વિવાદ થયો છે. અને તેમનો પોતાનો આહીર સમાજ પણ નારાજ થયો છે. વિક્રમભાઈ જિલ્લા પંચાયતની ચૂંટણીના પ્રચાર માટે ભાણવડના ઢેબર ગામે ગયા હતા અને ત્યાં મુસ્લિમ સમાજના લોકો વચ્ચે કોઈએ લવજેહાદ વિશે પ્રશ્ન પૂછ્યો. વિક્રમ માડમે કહ્યું કે, મારા સમાજની એટલે કે આહીર સમાજની એક દીકરીએ મુસ્લિમ બહુમતિવાળા ગામમાં તે ગામના સરપંચના દીકરા સાથે લગ્ન કર્યા છે.
મને લોકોએ આ વાત કહી. અમે દીકરીને પૂછ્યું તો એણે કીધું કે મેં રાજીખુશીથી લગ્ન કર્યા છે. જો પરાણે લગ્ન કરાવ્યા હોય તો વિરોધની વાત આવે. 18 વર્ષની દીકરી થાય પછી લગ્ન ક્યાં કરવા તે જાતે નક્કી કરી શકે છે. જ્યારે બાપને પણ અધિકાર છે કે તેની દીકરીને ક્યાં પરણાવવી. એક સેલિબ્રિટી કપલનું ઉદાહરણ આપીને માડમે કહ્યું કે, પૈસાદાર લોકો એકબીજાના ધર્મ સિવાય લગ્ન કરે તો કોઈ કહેવા જતું નથી. પણ ગરીબ દીકરો-દીકરી એકબીજાના ધર્મ વિરુદ્ધ લગ્ન કરે તો લોકો વિરોધ કરે છે.
માડમનો આ નાનકડો વીડિયો વાયરલ થયો છે અને તેમને ગુજરાતના આહીર સમાજના રોષનો સામનો કરવો પડી રહ્યો છે. રોષ વ્યક્ત કરવા માડમને કરેલો એક ઓડિયો કોલ પણ વાયરલ થઈ રહ્યો છે. જેમાં કચ્છથી આહીર સમાજના એક યુવાને ફોન કરીને માડમને માફી માગવા કહ્યું. પરંતુ માડમ ફોન પર એ વાતે મક્કમ રહે છે કે, મેં કંઈ ખોટું કહ્યું નથી અને હું માફી માગવાનો નથી. પરંતુ પોતાનો વીડિયો અને સમાજના યુવકનો ઓડિયો વાયરલ થયા પછી ધારાસભ્ય વિક્રમ માડમે માફી માગી લીધી છે.