નવસારીના ધારાસભ્ય આર.સી.પટેલનો ગુજરાતના રોડ બાબતે બફાટ, ગુજરાતના રસ્તા કેનેડા કરતા સારા છે તેવું નિવેદન કરતા ચર્ચાનો વિષય બન્યા છે.
નવસારીના જલાલપોર ધારાસભ્યનો રોડ બાબતે બફાટ
ધારાસભ્ય આર.સી.પટેલનો ગુજરાતના રોડ બાબતે બફાટ
ગુજરાત કરતા કેનેડાના રસ્તા ખરાબ: આર.સી.પટેલ
રાજ્યમાં ખરાબ રસ્તાઓને લઇ લોકો પરેશાન છે અને તંત્રને અનેક રજૂઆત છતા રસ્તા રિપેર કરવામાં આવતા નથી ત્યારે નવસારીના ધારાસભ્યને ગુજરાતના રોડ કેનેડા કરતા પણ સારા લાગે છે. નવસારીમાં જલાલપોરના ધારાસભ્ય આર.સી.પટેલે એક સભામાં કહ્યું કે કેનેડાના રસ્તા ગુજરાત કરતા સારા છે તેવું નિવેદન આપતા ચર્ચાનો વિષય બન્યા છે.
નવસારીના જલાલપોર ધારાસભ્યનો રોડ બાબતે બફાટ
મહત્વનું અવાર નવાર ગુજરાતમાં રોડ રસ્તાની હાલત દયનીય જોવા મળતી હોય છે, ચોમાસામાં તો રોડ રસ્તાની હાલત એટલી કફોડી બની જતી હોય છે કે વાહન ચાલકો માટે મુશ્કેલી સમાન બની જતું હોય છે. ત્યારે ધારાસભ્યએ કહ્યું કે ઢોરના કારણે રસ્તા પર છાણ પડે એટલે આપણા રસ્તા ખરાબ દેખાય બાકી આપણા કરતા સારા રસ્તા ક્યાંય નથી તેવા નિવેદન બાદ ધારાસભ્ય ભારે ચર્ચાનો વિષય બન્યા છે.
ધારાસભ્ય આર.સી.પટેલનો ગુજરાતના રોડ બાબતે બફાટ
ગુજરાતમાં રોડ રસ્તાની સ્થિતિને લઈને પણ હાઈકોર્ટે ઉધડો લીધો છે અગાઉ હાઈકોર્ટે પણ અમદાવાદ અને મોટા શહેરોમાં રોડ રસ્તા મામલે નારાજીગી દર્શાવી છે ત્યારે આર.સી.પટેલે કેનેડાના રોડ સાથે સરખામણી કરતા હાસ્યાસ્પદ બન્યા છે. આર.સી.પટેલે કહ્યું કે ગાંધીનગરમાં મારા ઘરેથી સચિવાલય જતા રોડ પર કોઇ ખાડો નથી અને ઢોર બંધ હોય તો ગુજરાતમાં કેનેડાથી સારા રોડ જોવા મળે. આમ આર.સી.પટેલે ગાંધીનગરના રોડને ગુજરાતના બધા રોડ સાથે સરખાવ્યા છે. જ્યારે ગુજરાતમાં ખાડાવાળા રોડને લઈને અનેક નાગરિકોએ હાલતો ભોગવવી પડતી હોય છે. આર.સી.પટેલના હાસ્યાસ્પદ નિવેદનથી ભારે ચર્ચામાં આવ્યા છે.