અમરેલી / MLA મહેશ કસવાલા બરોબરના બગડ્યા, અધિકારીનો વારો કાઢ્યો, કહ્યું જેલ ભેગા કરી દઈશ, જાણો મામલો

• સાવરકુંડલાના બાયપાસ રોડનો મામલો ગરમાયો
• ધારાસભ્ય મહેશ કસવાલાએ એન્જિનિયરને ખખડાવ્યા
• મહેશ કસવાલાએ કોન્ટ્રાક્ટરને જેલભેગા કરવાની ધમકી આપી

સાવરકુંડલા શહેરના પીપાવાવ અંબાજી નેશનલ હાઈવેના બનતા બાયપાસ રોડમાં લોટ પાણી અને લાકડા જેવો ભ્રષ્ટાચારને પ્રોત્સાહન આપતો વિડિયો સોશિયલ મીડિયામાં વાયરલ થયો છે. સાવરકુંડલાના બાયપાસ રોડનો મામલો ગરમાતા ભાજપના ધારાસભ્ય મહેશ કસવાલા ઘટના સ્થળે પહોંચ્યા હતા. જ્યાંથી તેમને એન્જિનિયરને મોબાઈલ ફોન પર ખખડાવ્યા હતા. તેમને એન્જિનિયર અને કોન્ટ્રાક્ટર પર ભ્રષ્ટાચાર કરવાનો પણ આરોપ મુક્યો હતો.

સાવરકુંડલાના બાયપાસ રોડનો મામલો ગરમાયો
સાવરકુંડલાના ધારાસભ્ય બાયપાસ રોડની કામગીરીની સમીક્ષા કરવા ઘટના સ્થળે પહોંચ્યા હતા. વાયરલ થયેલા વીડિયો સોશિયલ મીડિયામાં સરકારની કામગીરી સામે આંગળી ચિંધતા હોય તેવા ભ્રષ્ટાચારના પુરાવા સ્વરૂપ સિમેન્ટના બાંધકામમાં રોડની સાઈડની દિવાલ અને નાળાઓના બનાવેલી દીવાલનો હાથની આંગળીઓથી સિમેન્ટના પોપડે પોપડા ખરી જતા હોય એવા વીડિયોને વાસ્તવિકતા જોઈને ધારાસભ્યએ જિલ્લા સંકલનમાં અવાજ ઉઠાવીને ત્વરિત આવી દિવાલોને નષ્ટ કરી ગુણવત્તા સભર દિવાલો બને તેવી માંગ કરતા તંત્ર દ્વારા તાકીદે આવી દિવાલોને તોડી પડાઈ હતી 

મહેશ કસવાલાએ એન્જિનિયરને ખખડાવ્યા
ધારાસભ્ય મહેશ કસવાલાએ હલ્કી ગુણવત્તાવાળી કામગીરી કરવાના દોષમાં કોન્ટ્રાક્ટર અને એન્જિનિયર બન્નેને જેલ ભેગા કરી દેવાની પણ વાત કરી. ઉલ્લેખનીય છે કે, સાવરકુંડલામાં નવનિર્મીત પુલ અન રેલવે ફાટકમાં મોટા પાયે ભ્રષ્ટાચાર થયો હોવાનું સામે આવ્યુ હતુ. જેમાં તેને અડતાની સાથે જ સિમેન્ટ ઉખડી રહ્યો હતો. હવે સવાલ એ છે કે, મહેશ કસવાલાએ કરપ્ટ અધિકારીઓ તથા કોન્ટ્રાક્ટરને જેલભેગા કરવાની વાત તો કરી છે પરંતુ શુ સાચે જ તેઓને જેલભેગા કરવામાં આવશે ખરા? એ તો આવાનારો સમય જ બતાવશે.