દંબગ અંદાજ માટે જાણિતા વાઘોડિયાથી ભાજપના ધારાસભ્ય મધુ શ્રીવાસ્તવની વધુ એક ઓડિયો ક્લીપ આ નેતાની સામે આવી છે. જેમાં તેઓ ભાજપના જ સીનિયર કાર્યકરને ધમકી આપી રહ્યા છે.
વાઘોડિયાથી ભાજપના ધારાસભ્ય મધુ શ્રીવાસ્તવ તેમના દંબગ અંદાજ માટે જાણિતા છે. જાણે તેમને કોઈની પણ બીક ન હોય તેમ ખુલ્લેઆમ ધમકીઓ આપે છે. ઉઠાવી દેવાની, મારી નાંખવાની ધમકીઓ આપે છે. પરંતુ ભાજપ પાર્ટી આ બધુ મુકદર્શક બની જોયા કરે છે. તેમની સામે કોઈ કાર્યવાહી નથી કરતી. હવે વધુ એક ઓડિયો ક્લીપ આ નેતાની સામે આવી છે. જેમાં તેઓ ભાજપના જ સીનિયર કાર્યકરને ધમકી આપી રહ્યા છે.
વાઘોડિયાના ધારાસભ્ય મધુ શ્રીવાસ્તવ તેમની જ પાર્ટીના કાર્યકરના પતિને ધમકી આપી રહ્યા છે. દિપ્તી જયસ્વાલ નામની પાર્ટી કાર્યકરના પતિ દિલિપ જયસ્વાલને શ્રીવાસ્તવ ફોન કરી ધમકાવી રહ્યા છે. કહી રહ્યા છે કે તું સમજાવી દે જે નહીં તો આબરુ લઈ લઈશુ. મધુ શ્રીવાસ્તવ એ આક્ષેપ સાથે ધમકાવી રહ્યા છે કે દિપ્તી તેમના વિશે ખોટી ખોટી વાતો કરે છે. કહે છે કે મધુ ભાઈનું કંઈ ન આવે... તેઓ બી ગયા છે. આ વાતને લઈ દિપ્તીના પતિ દિલિપ જયસ્વાલને મધુ શ્રીવાસ્તવ સમજવી દેવાનું કહી રહ્યા છે.
શું થયો દિલિપ જયસ્વાલ અને દિપ્તી જયસ્વાલ વચ્ચે સંવાદ?
દિલિપ જયસ્વાલ કાર્યકર, ભાજપઃ- હા જય સિયા રામ ભાઈ... મધુ શ્રીવાસ્તવ ધારાસભ્ય, ભાજપઃ- હવે દિપ્તીને કે બહુ બોલવાની બંધ કરી દે.... દિલિપ જયસ્વાલ કાર્યકર, ભાજપઃ- કેમ શું થયું ભાઈ... મધુ શ્રીવાસ્તવ ધારાસભ્ય, ભાજપઃ- બસ આટલું જ કહી દે...પછી ભાઈ....ભાઈ કરે છેને...પછી આબરુ લઈ નાંખીશ હું... દિલિપ જયસ્વાલ કાર્યકર, ભાજપઃ- હા પણ થયું શું... મધુ શ્રીવાસ્તવ ધારાસભ્ય, ભાજપઃ- કોઈ લેડિઝને આવું બોલે છે..કે મધુભાઈ ક્યાં ગામમાં આવે છે...બીવે છે...આમ છે તેમ છે...એને બોલવાનું બંધ કરાય...આપણે બેન...બેન કહીએ..પછી.. દિલિપ જયસ્વાલ કાર્યકર, ભાજપઃ- ના..ના...ભાઈ ના બોલે...ના બોલે...હું ખાતરી આપું છું...કોને આપણે પ્રુફ કરાવું વાત કરાવું... મધુ શ્રીવાસ્તવ ધારાસભ્ય, ભાજપઃ- નાના મારે હવે વાત જ નથી કરવી...સવાલ જ નથી...અહીંયા બધી લેડિઝો આવી છે...મારે કોઈના નામો નથી લેવા... દિલિપ જયસ્વાલ કાર્યકર, ભાજપઃ- અચ્છા કંઈ વાધો નહીં... મધુ શ્રીવાસ્તવ ધારાસભ્ય, ભાજપઃ- ગામમાં તમને કોણ બચાવે...અને હું જ બચાવું...અરે યાર ઉપરવાળા સિવાય કોઈની તાકાત નથી... દિલિપ જયસ્વાલ કાર્યકર, ભાજપઃ- નાના ભાઈ સાચી વાત છે...નાના બરાબર છે... મધુ શ્રીવાસ્તવ ધારાસભ્ય, ભાજપઃ- એમણે ચૂંટણી દરમિયાન શું શું કર્યું એ બતાવું તને...મારે કંઈ કહેવું નથી...એ અને ઉત્સવ મળીને કેટલું એ કર્યું છે એ સાબિત કરીને બતાવું તો તું કે આવું ન હોય...મોંઢે સાબિત કરીને બતાવું... દિલિપ જયસ્વાલ કાર્યકર, ભાજપઃ- હાં. હાં... મધુ શ્રીવાસ્તવ ધારાસભ્ય, ભાજપઃ- તમે આવી રીતે કરતા હો તો તમારા લોકોની લીધે મેં તમને આનામાં લીધેલી...બધા જે હોય તે આગળ લીધા...ભાજપમાં લાવ્યો બરાબર.... દિલિપ જયસ્વાલ કાર્યકર, ભાજપઃ- બરાબર...100 ટકાની વાત છે એતો... મધુ શ્રીવાસ્તવ ધારાસભ્ય, ભાજપઃ- તો પછી યાર... દિલિપ જયસ્વાલ કાર્યકર, ભાજપઃ- હું વાત કરું છું ભાઈ... મધુ શ્રીવાસ્તવ ધારાસભ્ય, ભાજપઃ- તમારી જોડે...તમારે પંકજ જોડે સંબંધ હોય એટલા માટે અમે કશુ ન બોલીએ એટલે...એમને બોલવાનું ભાન છે કે નહીં... દિલિપ જયસ્વાલ કાર્યકર, ભાજપઃ- ના..ના... મધુ શ્રીવાસ્તવ ધારાસભ્ય, ભાજપઃ- એ કે છે કે મધુ ભાઈનું કંઈ ન આવે... દિલિપ જયસ્વાલ કાર્યકર, ભાજપઃ- નાના હોતું હશે...ધારાસભ્યનું આવે એટલું તારુ ન આવે...ના ના એતો બોલી હોય તો હું પુછુ છું...જો બોલી હોય તો એની ભૂલ કહેવાય હું તમારી માફી મંગાવીશ...એક વસ્તુ પણ પાકી સમજી લો... મધુ શ્રીવાસ્તવ ધારાસભ્ય, ભાજપઃ- ના ના મારે માફી પણ મંગાવવી નહીં ને મળવું પણ નહીં ને...એમની જોડે કોઈ વાત પણ નહીં કરવીં...આ તારા જોડે વાત કરું છું કહી દે...મારે કોઈ સંબંધ રાખવા નથી ભાઈ... દિલિપ જયસ્વાલ કાર્યકર, ભાજપઃ- હા કંઈ વાંધો નહીં...કંઈ વાંધો નહીં...હું વાત કરુ છું...ચલો...
???
મધુ શ્રીવાસ્તવ હંમેશા વિવાદોમાં રહેતા નેતા છે. થોડા સમય પહેલા પણ એક પત્રકારને તેમણે ઉઠાવી દેવાની ધમકી આપી હતી. ખુલ્લેઆમ કેમેરા સામે ધમકી આપતા આ નેતા સામે પાર્ટી કોઈ જ કાર્યવાહી કરતી નથી. શું મધુ શ્રીવાસ્તવને કારણે ભાજપને કોઈ બીક લાગી રહી છે કે શું? તે સમજાતું નથી.