કહેતા ભી દીવાના / 'ભેંસ ભાગોળે,છાસ છાગોળે,ઘરમાં ધમાધમ', ધારાસભ્ય લાખા સાગઠીયાનાં પુત્રને જાગ્યા MLA બનવાના ઓરતા

• ધારાસભ્ય લાખા સાગઠીયાનાં પુત્રને જાગ્યા કોડ 
• વિધાનસભા ચૂંટણી-22 માં ટીકીટના ઓરતા 
• જન્મદિવસની કેક પર MLAનું કર્યું ચિતરામણ 

ગુજરાતમાં વ્યાવસાયિક રીતે પિતાનો વારસો પુત્ર સંભાળતો હોય તેવું પ્રોફેશન કારકિર્દીમાં બનતું હોય છે.ડોકટરનાં સંતાન  ડોકટર બને, ઈજનેરનાં સંતાન ઈજનેર, પેઢીએ બેસતા વડીલના સંતાન જ ભવિષ્યમાં પેઢી સંભાળે, અને રાજનીતિમાં જેના પિતા નેતા તેના પુત્ર પણ રાજનીતિમાં આવે છે. કેટલાક સફળ તો કેટલાક વિફળતા વહોરે છે. આવું જ કઈક  રાજકોટના ધારાસભ્ય લાખા સાગઠીયાનાં પુત્ર જયને MLA બનવાના અભરખા જગ્યા છે. વિધાનસભા ચૂંટણી-2022માં પોતે ધારાસભ્ય હોવાનો સંકેત તેણે,મિત્રો મારફતે જન્મદિવસની કેક પર આપી દીધો હોવાનો ગણગણાટ થઈ રહયો છે 

ગુજરાતમાં ચૂંટણી ભલે ભેંસ ભાગોળે,છાસ છાગોળે હોય, પણ નેતાઓને ઓરતા અત્યારથી ચઢવા લાગ્યા છે. 'મને ટીકીટ મળી ગઈ, હું જીતી ગયો'. આવી બાબતોમાં ઉત્સાહ સારો પણ અતિ આતમ વિશ્વાસ  પણ સારો નહી. આવું જ કઈક થયું છે રાજકોટમાં.  રાજકોટના ધારાસભ્ય સાગઠીયાનાં પુત્રને પણ પિતાના પગલે ધારાસભ્ય બનવાના ઓરતા ફૂટ્યા. ગુરુવારે લાખાભાઈ સાગઠીયાનાં પુત્ર જયનો જન્મદિવસ હતો. તેઓ તેની કેક પર મિત્રોએ જય MLA કોતરાવી જન્મદિવસની ઉજવણી કરી હતી 2022 વિધાનસભાની ચૂંટણી પહેલા કેકને અપાયો રાજકીય રંગ અપાયો છે