ચુકાદો / BIG NEWS: માતરના ભાજપના ધારાસભ્ય સહિત 26 લોકોને 2 વર્ષની જેલની સજા, જાણો શું છે કેસ

• ધારાસભ્ય કેસરીસિંહ સોલંકીને 2 વર્ષની સજા
• જુગાર રમવાના કેસમાં હાલોલ કોર્ટે સંભળાવી સજા
• કેસરીસિંહ સહિત 26 લોકો જુગાર રમતા ઝડપાયા હતા

પંચમહાલના શિવરાજપુર પાસેના જીમીરા રિસોર્ટમાં જુગાર રમતા ઝડપાયેલા ભાજપના ધારાસભ્ય કેસરીસિંહ સોલંકીને હાલોલ કોર્ટે સજા સંભળાવી છે. કેસરીસિંહ સહિત 26 લોકોના જુગાર રમતા ઝડપાયા હતા, આ તમામ આરોપીઓને કોર્ટે 2 વર્ષની સજા ફટકારી છે. સજાની સાથે 4 હજારનો દંડ પણ ફટકારાયો છે.

અત્રે ઉલ્લેખનીય છે કે, ખેડાની માતર બેઠક પરથી ભાજપના ધારાસભ્ય કેસરીસિંહ સોલંકી જુગાર રમતા ઝડપાયા હતા. કેસરીસિંહ પંચમહાલના શિવરાજપુર પાસે આવેલા જીમીરા રિસોર્ટમાં જુગાર રમતા હતાં. અહીં પોલીસે દરોડા પાડતા ધારાસભ્ય કેસરીસિંહ સાથે અન્ય 20થી વધુ લોકો પણ જુગાર અને દારૂની મહેફિલ માણતા ઝડપાયાં હતા.